Урампала иртсе пыруçăн...

Николай Сандров | Сăвă | 560


Урампала иртсе пыруçăн,

Е акă концерта кайсан,

Эс асăрханă пулĕ, тусăм,

Халь халăх юрлă мар тумран.

 

Çын сăнĕ те, çын тумланни те —

Пурте килеççĕ пурнăçран.

Тумпа сăн — куç кĕски, ун витĕр

Эс çыннăн пурнăçне куран.

 

Яш-кĕрĕм уйрăмах халь капăр.

Эп хам, курсассăн вĕсене,

Час-час аса илетĕп хамăр

Вăййа мĕнпе тухнисене.

 

Эпир яш пулнă вăхăтра та

Хĕрсем нумайччĕ хитрисем,

Анчах çи-пуçĕ кăйттăрах та

Пит курăнсах кайман вĕсем.

 

Мана хăш-пĕрисем калаççĕ:

«Çук, çук, хĕрсем халь хитререх!»

Мĕнех ара? Ку пит аван-çке:

Пулаççĕ хамăр кинсемех!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем