Тăнран кайса ӳкес те

Тăнран кайса ӳкес те — вăранас...

Тăнран кайса ӳкес те — вăранас,

Хуçа пулас, чура кунне курас,

Вилме выртас та — яшт! сиксе тăрас,

Анчăк пек туслă е суя пурнас? —

Ан пултăр канăç, çав-çавах та туслăх

Ал патăр та — çын ĕмер пуç ан устăр.

Телейсĕр чух телейĕме курасчĕ,

Юрайманран юракана тухасчĕ,

Наркăмăша шерпет ĕçнĕн туясчĕ,

Вăйсăр çынран Улăп пулса тăрасчĕ,

Тамăкра чух та çăтмахра теесчĕ,

Ултавлăх витĕр чăнлăха пĕлесчĕ, —

Вара кĕрес те пурнăç ытамне

Тĕпчес, тĕпчес кун-çул тĕрĕслĕхне, —

Ун чух тин пĕлĕн Юрату хĕмне,

Çак тĕнчене

Ху мĕншĕн килнине...

Admin (2010-02-08 19:52:19):

«Юрайманран юракана тухасчĕ» — питĕ вăйлă!