Санпа тĕл пулнă вăхăтра

Аркадий Лукин | Сăвă | савни | 392


Санпа тĕл пулнă вăхăтра

Мĕн-ма хаваслă ман чĕре?

Санпа калаçнă вăхăтра

Туятăп эп çурхи ире.

 

Санпа çӳренĕ вăхăтра

Урам хитре, тӳпе таса.

Санпа ташланă вăхăтра

Лĕп çил вĕрет пире савса.

 

Санпа юрланă вăхăтра

Пире итлет уй-хир, вăрман...

Санпа ĕçленĕ вăхăтра

Нихçан та ывăнса курман.

 

Санпа тĕл пулнă вăхăтра

Чуна кĕрет хĕвел шевли.

Санпа çӳренĕ вăхăтра

Эп тĕнчере чи телейли!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем