Кам юрламĕ савăнса...1

Кам юрламĕ савăнса...

Кам юрламĕ савăнса,

Çуркуннене мухтаса.

Кăвак пĕлĕт патнелле,

Янтăратса юррине,

Тĕрлĕ кайăк вĕçеççĕ,

Çуркуннене мухтаççĕ,

Хальччен çара йывăçсем,

Типсе ларнă курăксем

Сасартăках ешереç,

Ешĕл тум-тир тăхăнаç.

Çутă хĕвел çуркунне

Кулса пăхать çĕр çине,

Хăйĕн ăшă çуттипе

Пурнăç кӳрет тĕнчене.

Каллех ешĕл улăхра

Тĕрлĕ тĕслĕ çеçкесем.

Шăтса ӳссе сарăлса.

Илем кӳреççĕ вĕсем.

Хĕвел кулса çутăлса

Тухать çӳллĕ ту çинчен.

Пĕтĕм халăх савăнса

Пăхать унăн сăнĕнчен.

Хăйĕн ирхи сăнĕпе

Ылтăн тĕслĕ çутипе

Çутăлтарать этеме,

Савнăç кӳрет чĕрине.