Пĕрне кăна...

Шап-шурă кофта тăхăнаттăм —

Хам аллăмпа тĕрленине.

Юрла-юрла шыва васкаттăм

Ял вĕçĕнчи çăлкуç патне.

Хул çийĕн — сарă кĕвентеччĕ,

Чăнкăртататчĕç витрисем.

Шур акăш пек вĕçес килетчĕ,

Ĕмĕтленсе, хĕпĕртесе.

Çитсе тăратчĕ çамрăк каччă,

Хыçран куллен чупаканскер;

Çунатчĕ, маншăн тунсăхлатчĕ,

Эп пур, туймастăм нимĕскер.

Кашни çыннах чун юратаймĕ

Хитре пулсан та сăнĕпе.

Пĕрне кăна чĕрӳ манаймĕ —

Вăл саншăн çывăх пулнипе.

Çĕнĕ комментари хуш