Çапăçу умĕн

Валентин Ахтупай | Сăвă | 1944 | 489


Часах ĕнтĕ пуçланать

Вăйлă çапăçу.

Мĕн пиллет-ши, мĕн сунать

Пире çакă кун?

 

Тăвăл шавлă. Халь унччен

Çумарах эс лар.

Тусăм, кăмăл туличчен

Уççăн калаçар.

 

Çумри лăпкă сăнсене

Кăларса сăнар,

Килти çывăх çынсене

Ыррăн асăнар.

 

Куçпа вĕçсĕр тĕнчене

Тишкерсе илер.

Пурнăç епле черченне

Тепĕр хут пĕлер.

 

Каç пулсассăн, шăплансан,

Телейсем çинчен

Çыру çырăпăр ларса

Инçетрен инçе.

 

Сан та, ман ат инçетре

Пĕлĕш-хурăнташ.

Ак пуçланчĕ... Çĕр чĕтрет.

Çирĕп пул, юлташ!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем