Сухаç юрри

Таса уйри çăмăл çил,

Ман юрра итлесе ил.

Эпĕ ĕнтĕ санран та

Ирĕклĕрех, çăмăлрах.

Çулăм пек ĕмĕт вăйĕ

Мана паллайми чĕртрĕ.

Ĕнтĕ телее тупрăм,

Санпа пĕр тăван пултăм.

Пĕр вĕçтер-ха кун çинчен

Камчаткăран Карпатчен!

Вăрман витĕр, хир тăрăх,

Хуласем-ялсем тăрăх

Юрласа вĕçсе çӳре:

«Сухаç ĕçлет ирĕкре;

Сивĕ тимĕр сăнчăрсем

Унăн пĕтрĕç. Тĕрмесем

Тума хал çук йывăр ĕç.

Тĕттĕм çĕр иртсе кайрĕ,

Хĕвел хĕрелсе тухрĕ,

Çĕре телейлĕ турĕ».

Çĕнĕ комментари хуш