Лаврентий Анăç


Лаврентий Иванович Анăç (Данилов) 1959 çулта Чăваш Республикине кĕрекен Тăвай районĕнчи Сăхăтпуç ялĕнче çуралнă. 1975 çулта вăтам шкул пĕтернĕ. Канаш хулинчи 2-мĕш ГПТУра вĕренсе слесарь-вагонник специальноçне илнĕ. 1977-1979 çулсенче çар хĕсметĕнче пулнă.

Сăвăсем, шӳтлĕ калавсем шкулта вĕреннĕ чухнех çырма пуçланă. Вĕсем «Ял ĕçченĕ», «Пионер сасси», «Çĕнĕ çул» хаçатсенче пичетленнĕ.

1980 çултанпа Чĕмпĕр хулинче пурăнать. Засвияжски милици уйрăмĕнче ĕçлет. Вырăнти стена хаçачĕн фотокорреспонденчĕ, редакторĕнче тăнă. 1997 çулта милици ĕçченĕсем çинчен «Чтобы помнили» кĕнеки тухнă. «Канаш», «Ял ĕçченĕ», «Хĕрлĕ ялав», «Капкăн» журнал тата «Правопорядок» редакцийĕсемпе тачă çыхăну тытать. Литература жанрĕсенчен ытларах поэзине кăмăллать. «Канаш» хаçат çумĕнчи «Шевле» литпĕрлешӳре тăрать.


Хайлавĕсем