Электронлă вулавăш

Валентина Элпи — чăваш çыравçи. 1913 çулхи раштавăн 18-мĕшĕнче Тăвай районĕн Кивĕ Пуянкасси ялĕнче çуралнă. Чăваш АССРĕн тава тивĕçлĕ культура ĕçченĕ.

Тăван ялти пуçламăш шкулта, Кавалти сакăр çул вĕрентекен шкулта пĕлӳ пухнă. 1930 çулта Шупашкарти медицина техникумне вĕренме кĕнĕ, анчах унта пĕлӳ илме май пулман. Тĕрлĕ хаçат редакцисенче ĕçленĕ, 30 çул хушши — 1938-1968 çулсенче — Радиокăларăмпа телевидени комитетĕнче ачасем валли хатĕрлекен кăларăмсен редакторĕ пулнă.

Литературăри пултарулăха 1946 çулта пуçланă. Тĕп хайлавĕсем: «Малтанхи савни», «Юратнă мăшăрсăр», «Тинĕс чечекĕ», «Пулас кинсем», «Эпĕ халь телейлĕ», «Качча кайсан», «Качча кайиччен», тата ыттисем.