Ытти хӑш-пӗр ҫул ҫанталӑк ака уйӑхӗн ҫуррисене ҫитнӗ-ҫитмен ӑшӑтса яраканччӗ. Кӑҫалхи ҫур аплах васкамарӗ. Ҫапах та ҫакӑ хресчен те йӑраланнине пӗлтермест. Чӑван Енӗн ял хуҫалӑх министерстви пӗлтернӗ тӑрӑх, ҫу уйӑхӗн 8-мӗшӗнчи лару-тӑрӑва иртнӗ ҫулхи ҫав тапхӑртипе танлаштарса тишкерсен ҫуртрисене кӑҫал пӗлтӗрхинчен икӗ хут ытларах акма ӗлкӗрни палӑрать. Ял хуҫалӑх предприятийӗсем хальлӗхе 107 пин гектара ҫӗннӗ. Процент ҫине куҫарсан, ку вӑл 52% тенине пӗлтерет.

Кӑнтӑр енчи районсенче ҫӗр те маларах пулса ҫитнине кура ака-сухана маларах тухаҫҫӗ. __Комсомольски районӗ_Комсомольски__, __Шӑмаршӑ районӗ_Шӑмӑршӑ__ тата __Елчӗк районӗ_Елчӗк__ тӑрӑхӗсенче, акӑ, ҫурхи ӗҫсем вӗҫленсе пыраҫҫӗ — асӑннӑ енчи хресченсем палӑртнинчен 82 процент ытларах акма ӗлкӗрнӗ. Ку енпе ҫурринчен иртнӗ __Элӗк районӗ_Элӗк__, __Канаш районӗ_Канаш__, __Пӑрачкав районӗ_Пӑрачкав__, __Вӑрмар районӗ_Вӑрмар__, __Ҫӗрпӳ районӗ_Ҫӗрпӳ__, __Тӑвай районӗ_Тӑвай__ районӗсенче те хирти ӗҫ-хӗл япӑх мар хӑвӑртлӑхпа пырать тесе палӑртать ЧР ял хуҫалӑх министерстви. Маларах палӑртнӑ самант чӑнлӑхне ҫурҫӗр енчи районсенчи лару-тӑру тепӗр хут ӗнентерсе парать. Ака вӑрахӑн пыракансен списокне __Ҫӗмӗрле районӗ__ вӗҫлет.

Ҫуртрисене акнипе пӗрлех ҫӗрулмипе пахча-ҫимӗҫ лартакансем те пур.