Сайта кӗр | Регистраци | Сайта кӗрсен унпа туллин усӑ курма пулӗ
 +3.3 °C
Ырӑ сӑмах ылтӑнтан хаклӑ.
[ваттисен сӑмахӗ]
 

Николай Ларионов-Йӗлмел: Анатолий Ырьят ӗмӗрлӗхех пирӗнтен уйрӑлса кайрӗ (некролог)

Николай Ларионов-Йӗлмел23.03.2021 23:491918 хут пӑхнӑУлӑштар Кӑларса пӑрах

Мартӑн 19-мӗшӗнче 72 ҫула кайса пиртен Чӗмпӗр тӑрӑхӗнчи паллӑ журналист, поэт, прозаик Анатолий Григорьевич Дмитриев (Анатоли Ырьят) шалкӑм ҫапнине пула ӗмӗрлӗхех уйрӑлса кайрӗ.

Вӑл Тутарстанри Пӑва районӗнчи Раккассинче 1949 ҫулхи июнӗн 9-мӗшӗнче ҫуралнӑ. 1966 ҫулта Элшел шкулӗнчен вӑтам пӗлӳ илсе тухнӑ. Вунӑ ҫул шкулта ачасене вӗрентнӗ. 1996 ҫулта Чӑваш патшалӑх университетне пӗтернӗ. 1990 ҫултан тытӑнса 2015 ҫулччен Чӗмпӗрти «Канаш» ятлӑ чӑваш хаҫатӗнче вӑй хунӑ, тӗрлӗ должность йышӑннӑ, редактор ҫумӗ те пулнӑ. РФ Журналистсен союзӗн членӗ. Чӑваш Республикин Писательсен союзӗн членӗ. Алексей Талвир тата Валентин Урташ ячӗллӗ литература премисен лауреачӗ. Сакӑр кӗнеке авторӗ, ҫав шутра роман та пур.

Анатолий Григорьевичӑн тӑрӑшуллӑ ӗҫне РФ культура министерствин, Чӑваш Республикин Патшалӑх Канашӗн, Чӑваш Республикин Журналистсен союзӗн, Чӑваш Республикин пичет тата информаци политикин министерствин, Ульяновск область администрацийӗн Хисеп хучӗсене парса чысланӑ.

Ӗҫтешӗмӗре тӑван ялӗн масарне пытарнӑ.

Пултаруллӑ, ырӑ та сӑпайлӑ ӗҫтешӗмӗрӗн ҫутӑ сӑнарӗ пирӗн чӗресенче упранӗ.

 

Николай Ларионов-Йӗлмел.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментари:

Agabazar // 9020.6.8146
2021-03-24 00:31
Agabazar
Шалкăм çапнă тени ăнланмаллах мар. Инсульт мар-и?
Станьял // 1895.11.4150
2021-03-25 08:58
;Канлĕ çывăр, Урташ тăванĕ, маттур чăваш!
Асамат // 1858.55.6514
2021-03-27 10:30
Вӑл Урташ тӑванӗ мар.Вӗсен килне ҫын та килсе ҫӳремен.Хӑй те,ялтан тухса кайнӑранпа ҫуралнӑ вырӑна килсе те курман.Ҫимӗк уявне те пыман.Чӗмпӗрте пулнӑ чух хӑйсен ялӗсемех каласа пачӗҫ.Чӑвашсен общестӑлла ӗҫне те пачах та хутшӑнман.Юрӗ ӗнтӗ,тӑпри ҫӑмӑл пултӑр.
Agabazar // 2553.13.0377
2021-03-29 21:31
Agabazar
Енчен те хаçат редакцийĕнче ĕçленĕ пулсан, пĕрлехи ĕçсене те хутшăннă, паллах. Тархасшăн, ан суйăр. Тен, чăнах та, сахалтарах хутшăннă пуль. Анчах хутшăнмасăр тăма пултарайман.

Хутшăнман пулсан, мĕншĕн ăна редакторсем (Ромашкин, Ларионов) ĕçрен кутран тапса кăларса сирпĕтмен? Эппин редакторсене унашкал корреспондент тивĕçтернĕ.

Хаçтра ĕçлекенсене яĕшĕн мар ĕçе илеççĕ. Вĕсем редактор панă тĕллевчĕксемпе тĕллевсене, хушусене пурнăçлаççĕ. Ахаль лармаççĕ.

Тăван ялне килсе çуремен пулсан, вара — мĕн? Çÿремен пултăр. Анчах редактор хушнипе, кирлĕ вырăнсене çÿренĕ.

Эп ку халь çĕре кĕнĕ çынна палламан, анчах пĕрре таçта курнă пек астăватăп. Йăнăшмастăп пулсан.

Çав таврашрах çÿрекен «Мишшаачи» текенскерне вара аванах пĕлетĕп. Ыйтăр çав Мишшаачирен, вăл каласа парĕ Анаттоли Крикорччă çинчен чăннине.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org