Сайта кӗр | Регистраци | Сайта кӗрсен унпа туллин усӑ курма пулӗ
 +1.0 °C
Тӗпсӗр ҫынна тӗмен ҫитмен.
[ваттисен сӑмахӗ]
 

Софья Савнеш: Аптекӑра фанфурик сутма юрамасть, ялта вара ярӑнтараҫҫӗ кӑна

Софья Савнеш23.04.2017 21:313276 хут пӑхнӑ

Хамӑр ялти Илюш (ҫынсем ӑна ҫапла чӗнеҫҫӗ) пульницӑра реанимацире темиҫе кун выртнине пӗлсен тӗлӗнтӗм. Вӑл пурнӑҫпа вилӗм хушшинче пулнӑ. Телее, вӑл пӗтӗм вӑйне пухса вилӗме парӑнтарнӑ. Тивӗҫлӗ канӑва тухнӑ арҫын реанимацие мӗнле лекнӗ-ха?

Ялта чылайӑшӗ эрех авӑрне путнине тепӗр хутчен калама та кирлӗ мар пулӗ. Илья та шӑпах ҫак шӗвеке пула пульницӑна лекнӗ. Лавккари эрехе е сӑмакун ӗҫмен вӑл. Пирӗн ялта фанфурик сутаҫҫӗ-мӗн! Тӗлӗнмелле… Ара, юлашки вӑхӑтра фанфурика аптекӑсенче те вӑхӑтлӑх сутма чарчӗҫ вӗт. Ялта вара ярӑнтараҫҫӗ кӑна.

Фанфурика ялти ҫамрӑк арҫын сутать иккен. Хӑй эрех ӗҫмест. Тӗрӗсрех каласан, кодировка тунӑ вӑл, ҫавӑнтанпа черкке алла тытмасть. Ҫакнашкал сас-хура сӳрет ялта.

Ялти арҫынсем фанфурик туянма хутлаҫҫӗ кӑна. Лешӗ пӗчӗк кӗленчери «хаяр» шӗвеке таҫтан кӳрсе килет те сутать. Унӑн ҫакнашкал «бизнес» иккен. Хӑй ниҫта та ӗҫлемест. Тепӗр тесен, вӑй питти ҫак арҫын нихӑҫан та, ниҫта та тӑрӑшман. Хӑшӗ-пӗри хӑть аякри хулана шапаша кайса укҫа ӗҫлесе илет. Ку вара хӑнк та тумасть, ниҫталла та тапранмасть. Вӑл укҫа тумалли ҫӑмӑл меслет шыраса тупнӑ.

Ҫак арҫын фанфурик сутнине ялта пурте тенӗ пекех пӗлеҫҫӗ. Вӑл ҫынсене «усал» шӗвек ӗҫтерсе сывлӑхне сиен кӳрет вӗт, ку пурнӑҫшӑн хӑрушлӑх кӑларса тӑратать. Ҫакна пурте лайӑх ӑнкараҫҫӗ пулин те участковӑя никам та пӗлтерме шухӑшламасть-ха.

Юлашки вӑхӑтра фанфурикпа правительство, Раҫҫей шайӗнче кӗрешеҫҫӗ, халӗ ку шӗвеке аптекӑра та пули-пулми туянаймӑн. Тепӗр тесен, хӑш-пӗр аптека ҫак чарӑва пӑхмасть, ӗҫкӗҫсене пур-пӗрех фанфурик сутать. Анчах фанфурика аптекӑсенче ҫеҫ сутма чарни ҫителӗксӗр. Ялсенче те ку тӗлӗшпе тимлӗхе ҫухатмалла мар. Уйрӑмах – участковӑйсен. Вӗсен ялсене тухсах ҫӳремелле, фанфурик сутакансене тупса палӑртмалла, вӗсене тивӗҫлипе явап тыттармалла. Унсӑрӑн ҫынсем эрехе пула пуҫне ҫийӗҫ…

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org