Сайта кӗр | Регистраци | Сайта кӗрсен унпа туллин усӑ курма пулӗ
 +24.0 °C
Йытӑ та хӑй хӳрине вараламасть.
[ваттисен сӑмахӗ]
 

Софья Савнеш: Ҫӑварни уявӗ кашнин кӑмӑлне ҫӗклерӗ

Софья Савнеш25.02.2017 19:551967 хут пӑхнӑ

Эх, Ҫӑварни, Ҫӑварни! Вӑрӑм хӗл вӗҫленчӗ те, ҫуркунне хуҫаланма тытӑнать. Ҫак вӑхӑтра чылай ялта хӗле ӑсатаҫҫӗ. Хӑш-пӗр тӑрӑхра ҫак йӑлана ячӗшӗн кӑна ирттереҫҫӗ. Ара, халӗ ҫынсем килтен тухма ӳркенеҫҫӗ, телевизор умӗнчен хӑпаймаҫҫӗ.

Нумаях пулмасть Трак енче, эпӗ ҫуралса ӳснӗ ялта, халӑх пӗрле пухӑнса хӗле ӑсатрӗ. Хальхинче чӑнах та тӗлӗнтӗм. Мӗншӗн тетӗр-и? Унччен ҫынсем унашкал мероприятие ытлах тухмастчӗҫ. Ҫӗнӗ ҫул-и, Кӑшарни-и — пӗрмай пӗр ҫынсемех, пӗр пиллӗкӗн-улттӑн, тухатчӗҫ. Хальхинче вара хӗле ӑсатма нумаййӑн пухӑнчӗҫ. Ачасем те, аслӑ ӳсӗмри ҫынсем те нумаййӑнччӗ.

Уяв питӗ хаваслӑ иртрӗ. Урам ачасен, аслисен шӑнкӑр-шӑнкӑр куллипе янӑраса ҫеҫ тӑчӗ. Пухӑннисем икӗ командӑна пайланчӗҫ. Пӗрисем – хӗлле, теприсем – ҫулла. Паллах, ҫуркунне ҫӗнтерчӗ.

Командӑсем тӗрлӗ вӑйӑра тупӑшрӗҫ. Тӗслӗхрен, вӗрен туртрӗҫ. Унтан пӗр-пӗрне ҫунашкапа туртса ӑмӑртрӗҫ. Хӑшӗ-пӗри икерчӗ пӗҫерсе тухнӑ. Унпа пурне те хӑналарӗҫ.

Вӑйӑсем вӗҫленсен катемпи тавра тӑрса юрларӗҫ. Темиҫе юрӑ шӑрантарнӑ хыҫҫӑн катемпине чӗртсе ячӗҫ. Чим-ха, малтан унпа сӑн ӳкерӗнме манмарӗҫ. Катемпи ҫуннӑ вӑхӑтра ун урлӑ сикрӗҫ. Ӗлӗкхи ҫынсем ӗненнӗ тӑрӑх, ку йӑлана ирттерсен чир-чӗр пӗрле ҫунса каять. Катемпи ҫунса пӗтсен пурте сӗтел хушшине вырнаҫрӗҫ. Техӗмлӗ чейпе тутлӑ икерчӗпе сӑйланчӗҫ вӗсем.

Ку уяв кашнине кӑмӑлне ҫӗклерӗ. Ҫавнашкал уявсем тӑтӑшах ирттерсен, пӗрле пухӑнсан туслӑх та ҫирӗпленет. Ял-йыш яланах ҫапла хастар пулсан тем пекехчӗ.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org