Сайта кӗр | Регистраци | Сайта кӗрсен унпа туллин усӑ курма пулӗ
 -11.0 °C
Ир тӑнӑ кайӑк выҫӑ вилмен тет.
[ваттисен сӑмахӗ]
 

Софья Савнеш: Яла юрлама килеҫҫӗ те... хул хушшине эрех хӗстерсе каяҫҫӗ

Софья Савнеш31.01.2016 19:243466 хут пӑхнӑ

Чӑваш эстрада артисчӗсем пирӗн яла, сайра-хутра пулин те, килсе каяҫҫӗ. Паллах, халь ӗлӗкхи мар — клуба ҫын сахал тухать. Халӗ кашни килте тӗнче тетелӗ пур, телевизор кӗрлет… Ҫавӑнпа-ши — халӑх чун апатӗнчен катӑках мар. Ара, халь ӗлӗкхилле 1–2 канал ҫеҫ кӑтартмасть вӗт, кашни килте тенӗ пекех спутник турилкке ҫакӑнса тӑрать. Унта вара мӗн курас килет — веҫех пур: концерт, сериал, ӑслӑлӑх, спорт… Чӑваш наци куравне, ЮТВ телеканала ҫеҫ кураймаҫҫӗ пирӗн ялсем. Вӗсене республикӑри кашни яла илсе ҫитерме хальлӗхе патшалӑх хевте ҫитереймен-ха.

Ку юрӗ-ха. Пурӑна киле чӑваш телекуравӗ кашни ялтах ярӑнама тытӑнасса шанатпӑр. Сӑмахӑм чӑваш эстрада ҫӑлтӑрӗсем пирки-ха. Пӗррехинче пирӗн яла пӗр ҫӑлтӑр килнӗччӗ (ятне асӑнма аван мар, вӑрттӑнлӑхра юлтӑр). Хайхискер концерт лартма килнӗ, ял халӑхне култарма. Анчах хӑй ӳсӗр. Шупашкартанах ҫапла килнӗ вӑл. «Ял халӑхне каять», — тенӗ-ши вара? Кӑштах та аванмарланма пӗлмеҫҫӗ. Ара, вӑл хӗрӗнкӗ пулнине пурте сиснӗ ахӑртнех. Хӑвӑрах пӗлетӗр: ӳсӗр ҫыннӑн латти-пӑтти ҫук.

Нумаях пулмасть ялти пӗр сумлӑ ҫыннӑн юбилейне каллех эстрада ҫӑлтӑрӗ килчӗ. Вӑл та хӗрӗнкӗ ҫитсе тӑчӗ. Юбилейра эрех-сӑрасӑр пулмасть. Ку пушшех те ӳсӗрӗлсе кайрӗ. Сцена ҫинче юрлаканскер микрофона туртса тӑпӑлтарсах кӑларчӗ. Фонограмма малалла юрлать. Ӳсӗр юрӑҫӑн ҫӑварӗ те уҫӑлмасть — шӑл йӗрсе тӑрать. Акӑ сана, ял халӑхӗ, юрӑ! Кӑштах совеҫ пулмаллах ӗнтӗ, аванмарланма та пӗлмелле. Ҫук вӗт — Шупашкара кайма тапрансан ку хул хушшине кӗленче хӗстерсе тухса кайнӑ.

Ҫавӑн пек шая ҫитрӗмӗр-ши вара? Ял халӑхӗ тесе ҫапла хӑтланмалла-им?

 

Ӳкерчӗк ҫинче: республикӑри пӗр ялти клуба пухӑннӑ халӑх.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org