Сайта кӗр | Регистраци | Сайта кӗрсен унпа туллин усӑ курма пулӗ
 +17.0 °C
Мулкачӑн хӑлхи вӑрӑм та хӳри кӗске.
[ваттисен сӑмахӗ]
 

Таисия Ташней: Кулер туян та... шкула кай

Таисия Ташней24.12.2015 19:382155 хут пӑхнӑ

«Эрех ӗҫме ҫынсен ӑҫтан укҫа тупӑнать кӑна тульккӑш? Манӑн хӗрӗме ыран шкула парса яма 100 тенкӗ ҫук», — кӑмӑлӗ пӑсӑккине кура чунне уҫрӗ пӗлӗшӗм. Виҫӗ ача амӑшӗ вӑл. Аслисем шкула ҫӳреҫҫӗ, кӗҫӗнни кӑҫал ача пахчине кайма пуҫларӗ.

Шкул валли укҫа пухни йӗркеллӗ пулӑм мар тесе вӗренӳ тытӑмӗнчи пур пуҫлӑх та калать-тӗр. Ун пек фактсем пирки пӗлтерме ытйаҫҫӗ вӗсем. Вӗренӳ кӗнеки илме, классене юсама ашшӗ-амӑшӗнчен укҫа пухмалла маррине ӗнентереҫҫӗ. Пурнӑҫра вара пачах урӑхла пулса пырать. Манӑн пӗлӗшӗм каланӑ тӑрӑх, вӗренӳ ҫулӗ пуҫланас умӗн вӗсем шкула 2-шер пин тенкӗ пухса панӑ. «Кӗнекесене илмелле мар темеҫҫӗ-и вара?» — шалт аптӑрарӑм пӗлӗшӗм кӑмӑлсӑрланса пӗлтернине кура. «Вӗренӳ тетрачӗсем илме», — хуравларӗ виҫӗ ача амӑшӗ. «Икӗ пин тенкӗлӗх вӗренӳ тетрачӗсем мӗнле хутран вара?» — ӑнланаймасӑр тӗпчетӗп малалла.

Тетрадь туянса йӑлтах пӗтермен иккен-ха. Юлнӑ укҫапа куллер туянмалла тет. Ачасем шыв ӗҫесшӗн аптӑраҫҫӗ имӗш. Ахаль-махаль шыв ӗҫмеҫҫӗ пулать. Эпир ӳснӗ чух ҫӗрулми пуҫтарма аннесемпе хире ана ҫинчи кӳлленчӗкренех е тата кӳршӗ яла лавккана кайсан таврӑннӑ чух ҫырмари шыва тутӑр витӗр сӑрӑхтарса ӗҫеттӗмӗр те 21-мӗш ӗмӗр пуҫламӑшӗнче ҫуралнисем, ав, кранран юхаканнине те тиркеҫҫӗ. Сывӑрах пулаҫҫӗ пулинех. Тепӗр тесен, эпир те, кӳлленчӗкри шыва тутӑр витӗр сӑрӑхтарса ӗҫнисем вар пӑсӑлнипе аптӑранине астумастӑп. Ӑш ыратать-и е пуҫ-и, кукамай тӳрех темле курӑк шывӗ вӗретсе ӗҫтеретчӗ те, тен, ҫав пулӑшнӑ-ши?

21-мӗш ӗмӗрти ачасем кулертан шыв ӗҫеҫҫӗ кӑна мар, вӗсем ахаль чӳрече карриллӗ класра те вӗренесшӗн мар пулмалла. Тепӗр тесен, хӑйсем, пӗрремӗш класа каякансем, каламан-ха кун пирки. Паҫӑрхи пӗлӗшӗм пӗлтернӗ тӑрӑх, класс ертӳҫи хушнӑ. Ытти класра пурин те жалюзи ҫакӑнса тӑрать-мӗн те уннӑ та вӗсенчен кая юлмасть иккен. Вӑт, ун валли ашшӗ-амӑшӗн укҫа пухса памалла.

«Кирлӗ ҫӗре мӗншӗн ҫӑхавламастӑн?» — хуравӗ епле пулассине пӗлсе тӑрсах ыйтатӑп пӗлӗшӗмрен. Эсир те тӗрӗсех тавҫӑртӑр: ачан ҫав шкултах вӗренмелле-ҫке...

 

Комментари:

Agabazar // 3772.48.0255
2015-12-30 17:34
Agabazar

Эпир вӗреннӗ чухне шкулти коридорта вӗретсе сивӗтнӗ шыв тултарнӑ пысӑк бак ларатчӗ. Ҫиелтен таса пусмапа сӑрнӑ. Ҫакна йӗркелесе пырассишӗн техничка яваплӑ пулнӑ.


Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org