Сайта кӗр | Регистраци | Сайта кӗрсен унпа туллин усӑ курма пулӗ
 +19.0 °C
Кахал ҫине виҫ кун малтан ҫумӑр ӳкнӗ.
[ваттисен сӑмахӗ]
 

Таисия Ташней: Пахалӑхлӑ пулӑшу ӗмӗтре кӑна-ши?

Таисия Ташней13.10.2015 20:512099 хут пӑхнӑ

Тӗлӗнмелле отрасль вӑл ҫурт-йӗрпе коммуналлӑ хуҫалӑх. Унта ӗҫлекенсен хӑйсен чӑнлӑхӗ, ҫавӑн пулӑшӑвӗпе усӑ куракансен — хӑйсен.

Ҫурт-йӗрпе коммуналлӑ хуҫалӑх пулӑшӑвӗ терӗм те, тепӗр ҫурта пырса кӗрсен пулӑшӑвӗ питех курӑнса та каймасть. Тӗслӗх вырӑнне Кӳкеҫри Первомайски урамри 20-мӗш ҫурта илсе кӑтартас килет. Этем алли унта хӑҫан ҫын алли пырса шӑлни пирки калама йывӑр. Ҫыннисем те тепӗр тесен тӗлӗнтереҫҫӗ. Ҫӳп-ҫап хутаҫне вӗсенчен хӑшӗсем ҫӳп-ҫап тӑкмалли контейнер патне те йӑтса ҫитермеҫҫӗ. «Ӳрӗкреххисем» подъезда е урама илсе тухса лартса хӑвараҫҫӗ-ха. Ҫӳп-ҫап хутаҫне йӑтса «нушаланас» килменнисем чӳречеренех аялалла переҫҫӗ.

Асӑннӑ ҫурта маларах «Жилкомцентр» управляющи компани тытса тӑратчӗ. Кӑҫал вӑл ӑна тытса тӑма пӑрахрӗ. Урӑх управляющи компани тупӑнмасть курӑнать. Тепӗр тесен, тытса тӑнӑ чух та ҫурт унтан-кунтан ишӗлетчӗ темелле.

Ҫурт-йӗрпе коммуналлӑ хуҫалӑх пирки каланӑ май халӗ ҫынсемпе предприяти-организацисен парӑмӗ пирӗн ҫӗршывра 970 миллиард тенкӗ пухӑннӑ. Ку ыйтӑва ҫӗршыв Президенчӗ те хускатать. Маларах асӑннӑ Шупашкар районӗнче кӑна «Жилкомцентр» общество умӗнче парӑм 8 миллион тенкӗрен ертсе кайнӑ. Ку организаци Кӳкеҫри, Чӑрӑшкассинчи, Ҫӗктерти, Ҫатракассинчи 138 ҫурта тытса тӑрать. Тутаркассинчи 51 ҫурта «Теплоэнергосети» тулли мар яваплӑ общество тытса тӑрать. Тутаркассисем те парӑмлӑ. Вӗсен парӑмӗ 6 миллиона ҫывхарать иккен. Обществӑн тӗп бухгалтерӗ Галина Давыдова суд приставӗсемпе те парӑмлисем тӑрӑх ҫӳренине пӗлтерет. Анчах тепӗр ҫынсенчен ним те шыраса илме ҫук. Ҫав вӑхӑтрах мӗнпур тӳлевпе вӑхӑтра татӑлса пыракансене кӳршӗсем парӑмли пачах та кӑсӑклантарамасть — вӗсене пахалӑхлӑ пулӑшу илес килет. Вӑл вара хӑшӗсемшӗн ӗмӗт евӗр кӑна туйӑнать.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org