Сайта кӗр | Регистраци | Сайта кӗрсен унпа туллин усӑ курма пулӗ
 +15.3 °C
Ҫын валли шӑтӑк ан алт, хӑвах кӗрсе ӳкӗн.
[ваттисен сӑмахӗ]
 

Аçтахар Плотников: Чӑваш ячӗсене сивлекенсене

Аçтахар Плотников24.09.2015 14:203595 хут пӑхнӑ

Ку ҫырӑва эп «Контактри» «Чӑваш ячӗсем» ушкӑнра куртӑм. Автор ӑна вырӑсла ҫырнӑран чӑвашла та куҫарса паллаштарас кӑмӑл ҫуралчӗ. Аяларах вырнаҫни — куҫару, автор шухӑшӗ (ахӑртнех, ушкӑн ертӳҫин пуль).

Сире чӑвашсен ячӗсем килӗшмеҫҫӗ пулсан эсир чӑн та питӗ тӗлӗнтермӗш ҫынсем. Сирӗн шутӑрпа вӗсен пӗлтерӗшӗсене ӑнланса илме май ҫук, чӑвашсен ячӗсем хитре мар, вӗсем сайра хутра ҫеҫ тӗл пулаҫҫӗ тата ытти те. Сирӗн грексемпе еврейсен (вырӑссен) ячӗсем вӑл енчен лайӑх-ши?

Ман шутпа мӗнле пулса кайнине пӑхсан ҫын ячӗсене ыттисенчен лайӑхрах е япӑхрах теме май ҫук. Вӗсене пур теме ҫеҫ пулать, хӑйсен тӗшшинче вӗсем халӑх шута илекен янравлӑха та, сӑнарлӑха та шута илмеҫҫӗ. Хӑйсен пурнӑҫӗпе пурӑнаҫҫӗ кӑна.

Халӑх вара яланах хӑйӗн тӑван ячӗсемпе усӑ курма тӑрӑшмалла. Вӑл ятсене пирӗн мӑн асаттесемпе асаттесем ӗмӗр-ӗмӗр витӗр илсе ҫитернӗ, вӗсем — пирӗн ӑс-хакӑл мулӗ. Ҫав пуянлӑха хисеплеме пӗлекенни хӑйне те тивӗҫлӗ тытать.

Эп кашни халӑх хӑй ячӗсене суйламалла тесе шутлатӑп. Ман шутпа халӑх ӑс-хакӑлӗн пуянлӑхне мала хумалла: чӑвашсем ачисене Тайманпа Илемсене ят памалла, вырӑссем — Златасемпе Святославсене, ҫармӑссем — Илмарисемпе Айносене. Унашкал тӗнче самай илемлӗрех пулӗччӗ. Унта кашни хӑйӗн несӗлӗсене асра тытӗччӗ, пур халӑх та ун чухне хисеплӗ пулӗччӗ. Вӑл паянхи кунхи грексен Петӗрӗсемпе, еврейсен Йӑванӗсемпе, перссен Анварӗсемпе, арапсен Ахмечӗсемпе тулса ларнӑ тӗнчерен чылай хитререх пулӗччӗ.

Эсир калакан «ачасене йывӑр пулӗ», «ҫынсем мӗн калӗҫ», «ят тӗнпе килӗшӳллӗ пулмалла» тӗрӗссипе пуш сӑмах кӑна. Тӗн те ятсем пирки нимӗн те каламасть, ачасене те йывӑр пулмӗ, ҫынсем мӗн калани ҫине те пӑхмалла мар. Вӗсем шурсухалсем мар, ӑсчахсен йышне кӗмеҫҫӗ. Вӗсем сирӗншӗн никам та мар, ача ятне эсир вӗсемшӗн хумастӑр.

Эсир ҫакна ӑнланмастӑр пулсан ку вӑл ҫынсем умӗнче мӗскӗнленни кӑна. Эп сире шелленӗ пулӑттӑм ҫеҫ.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org