Çĕршыв сăмах пирки хăçантанпа ĕнтĕ ак çапла шавлаççĕ: курăсăн, çĕрĕм-шывăм тени пур тĕнчере! Эппин, асăннă сăмаха, çĕршыва, , çавна кура, уйрăм çырмалла имĕш.

Тавайăр темиçе çеккунтлăха çапла каланине чăна хурар. Вара пирĕн ума акă мĕн сиксе тухать. Ачсемĕр, тĕнчере çĕрĕм-шывăм çеç мар, çĕршывăм та пур-иç!!! Юлашки тĕслĕхе те классиксенчен илнĕ пайтах самантсемпе çирĕплетме пулать.

Шет лешхайхисем ĕнтĕ çав çĕрĕм-шывăм формăна çĕршыв сăмахăн туртăм категорийĕн пĕрремĕш сăпатĕнчи пĕрреллĕ хисепри ĕмĕлки тесе шутлаççĕ? Хăçан курнă эсĕр харпăр сăмах çумне пĕр-пĕр аффикс икĕ тĕлтен икĕ хут çыпçăннине? Сăмахран, вăрман > вăрĂМманĂМ (вăрманăм вырăнне!) пулма пултарать-и?

Тĕнчере çĕрĕм-шывăм çук теместпĕр эпĕр. Пур. Çĕрĕм, шывăм тени те (хÿреллĕ пăнчăпа!) пур. Çавăн пекех сĕтелĕм-пуканăм (сĕтелĕм, пуканăм), аттăм-пушмакăм (аттăм, пушмакăм), шăммăм-шаккăм (шăммăм, шаккăм) тенисем те пур. (Сĕтел-пуканăм, Атă-пушмакăм, Шăмшакăм формăсем те çук мар!). Асăннă пулăмсене пурне те кирлĕ пек интерпретацилеме яланах май пур.

Анаталла-тăвалла. Мăшăр сăмах. Шет ăна анат-ту тенинчен аталанса пулса кайнă пек курмалла?

Çырулăх йĕркевĕсене ăсталакансен тата майлаштаракансен "теори" текенни çинчен чăн кайран шутлас пулать. Мĕншĕн тесен вĕсен ĕçĕ мар вăл. Теоретиксен кайран çеç пырса перĕнмелле. Е пырса перĕнмесен тата лайăхрах. Хуть те мĕнле пулсан та, лаши малта, урапи хыçалта пулма тивĕçлĕ.

L'amour е Ля-мур? :-) Кушак сăнне ак çак тĕлтен илтĕмĕр (каçă, хутлă сăмахсен "теорийĕ" пирки калани те кăштах пур)