Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Ултавпа инҫе каяймӑн.
[ваттисен сӑмахӗ]
 

Софья Савнеш: Наркоман пек ыткăнаççĕ «маршрутка» водителĕсем

Софья Савнеш19.08.2015 21:333285 хут пӑхнӑ

«Маршруткăсемпе» çÿреме юратмастăп. Çавăнпа ĕçе яланах тенĕ пек троллейбуспа каятăп. Тен, хальхи çамрăксемшĕн ку модăран тухнă пулĕ те… Анчах унта лăпкăрах, канлĕрех хама туятăп. Тепĕр тесен, халĕ троллейбусра ĕлĕкхилле килька пулă пек чышăнса, хĕсĕнкелесе хăрах ура çинче тăрса пымалла мар. Ыларах унпа ватăсем çÿреççĕ. Общество транспорчĕн чарăнăвĕнче тăнă чухне сăнатăп та – çамрăксенчен ытларахăшĕ «маршруткăна» кăмăллать. Унта алăкранах çын кĕпĕрленсе тăрать пулин те унтах чышăнаççĕ шереметсем…

«Маршруткăсемпе» çÿреме юратмастăп пулин те хутран-ситрен унта ларма тиветех. Ара, водителĕсем пирки темĕн те пĕр илтме пулать вĕт. Пĕр маршрутпа, 50-мĕшпе, çÿрекен водительсем наркоман тенине те илтнĕччĕ халăхра. Апла-и, капла-и - пур сăмаха та ĕненме çук. Пĕррехинче питĕ васкаттăмччĕ те ĕçтешĕмпе çав маршрутпа çÿрекен транспорта лартăмăр. Хайхи водитель çавра çил пек хула тăрăх ыткăнчĕ. Пĕтрĕ пуç! Кун пек водительпе тем тĕлне пуласси те инçех мар. Çавскер пысăк хăвăртлăхпа пырать кăна мар, пассажирсене те кăнттаммăн хуравласа хăртать те. Пĕри çитес чарăнура чарăнма ыйтрĕ. Водитель хăлхи хытăрах пулмалла – чарăнмарĕ. Хайхи пассажир кăмăлсăрланса хытăрах каларĕ. Водителе килĕшмерĕ ку. «Хытăрах каламалла!» - пулчĕ унăн хуравĕ. Тĕлĕнмелле! Эпĕ, маларах лараканскер, илтрĕм те водитель илтмен. Юрĕ, антарса хăварчĕ вăл ăна. Унтан пирĕн анма черет çитрĕ. Ĕçтешĕм чарăнура чарăнма ыйтрĕ. Шăппăн та мар, хыттăн та каламарĕ темелле. Водитель ним пулман пек чарăнуран иртсе кайма тăчĕ. Ĕçтешĕм хыттăнрах каларĕ: «Сире чарăнма ыйтрăм вĕт!» Кун пек те килĕшмерĕ водителе. «Мĕн кăшкăратăн!» - лаплаттарчĕ хайхискер. Аптăрамалла… Шăпрах каласан - илтмест, кăшкăрсан - килĕшмест. Тинех анса юлтăмăр. Юрать, инçе каймалла мар, атту чĕре шикленнипе ура тупанне çитĕччĕ. Ĕçтешĕм каланă тăрăх, çав маршрутпа çÿрекен водительсен аэропортран «Ача тĕнчи» чарăну таран 10 минутра (лайăхах астумасăп халĕ, вăхăчĕ çавăн пекрехчĕ) çитмелле-мĕн. Çавăнпа вĕсем хула тăрăх самолет хăвăртлăхĕпе вĕçтереççĕ иккен. Анчах чи малтан çынсен пурнăçĕ пирки шутламалла мар-и? Çук вĕт, вĕсемшĕн бизнес, укçа пĕлтерĕшлĕрех. «Наркоман е псих» - çапла пĕтĕмлетÿ туса, çак сăмахсене сасăпах каласа салонран тухрăм.

Тепрехинче тĕнче тетелĕнче çакнашкал хыпар вуласа пĕлтĕм. 37-мĕш маршрутпа çÿрекен водителе тытса чарнă. Эпĕ пурăнакан чарăнура. Ахăртнех, пассажирсем сисчĕвленнĕ ун чухне. Водитель ÿсĕр пулнă. Пуçа вырнаçман япала. Ÿсĕр пуçпа çынсене илсе çÿреме мĕнле пултарăн-ха? Ун чухне хăйĕн пурнăçĕшĕн мар, вун-вун çыннăн пурнăçĕшĕн яваплă-çке водитель. Вĕсене çула тĕрĕслесе кăларма ниепле те май çук-ши? Вăт шан «маршрутка» водителĕсене…. Чăнах та, наркоман е ÿсер çын пек ыткăнаççĕ вĕсем хулари çулсемпе. Йĕркеллĕ çын ун пек хăтланас çук.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем