Сайта кӗр | Регистраци | Сайта кӗрсен унпа туллин усӑ курма пулӗ
 +16.0 °C
Чӑн сӑмахӑн суйи ҫук.
[ваттисен сӑмахӗ]
 

Таисия Ташней: Хуралтă ларт та хваттерлĕ пулăн

Таисия Ташней28.07.2015 18:232039 хут пӑхнӑ

Шупашкарти «Шанхай» текен районта пурăнакансене «Кувшинка» микрорайонти нумай хутлă çуртсенче хваттер парĕç. «Шанхайĕ» унтах вырнаçнине шута илсен çынсен хăйсен пурăнакан вырăнне хулан тепĕр кĕтесĕнче ылмаштармалла мар.

282 çуртри çынсене хваттер парасси пирки калаçса татăлнă. Микрорайона аталантарасси пирки Шупашкар хула администрацийĕн пуçлăхĕ Алексей Ладыков тата нумай хваттерлĕ çуртсем хăпартакан «Лидер» тулли мар яваплă общество хушма килĕшӳ алă пуснă, унта «Шанхайра» пурăнакан çынсен сĕнĕвне те шута илнĕ. Хальлĕхе çынсемпе 90 килĕшӳ тунă. Ыттисемпе килес çулхи ака уйăхĕн 1-мĕшĕччен алă пусмалла.

19 гектар çинче вырнаçнă «Кувшинка» микрорайон Эгер бульварĕпе, Ленинла Комсомол урамĕпе, Машина тăвакансен тăкăрлăкĕпе, Кӗҫӗн Кувшинка юханшывпа чикĕленет. Унта хăй вăхăтĕнче çынсем никамран ирĕк илмесĕр çуртсем туса лартнă. Çавсен шутĕнче кермен пек çуртсем те пур, халь-халь ишĕлсе анас пек хуралтăсем те. Унта пурăнакансем хăйсен çуртне ишессине кăмăлсăр йышăнчĕç, темле митинга та тухрĕç. Ку самантпа хăш-пĕрисем политика тĕллевĕпе те усă курма пăхрĕç.

Тĕнче тетелĕнчи ку ыйтăва çынсем тĕрлĕрен хаклакан пур. «Эпĕ те хам тĕллĕн Шупашкарта пĕр-пĕр вырăнта пӳрт туса лартам та кайран ăна сӳтĕр тесе «шанхайсемпе» пĕрле Мускава митинга каям», «Çынсем ипотека илсе нушаланаççĕ. Çурт-йĕр ыйтăвне ахаль те лайăхлатма пулать иккен: ăçта та пулин пӳрт пекки хăпартмалла та кайран ăна сӳтмелле тесен митинга тухса хваттерлĕ пулмалла» йышши çыракансем те сахал мар. Теприсем вара «шанхайсене» майлă. Çĕрне пӳрт хăпартнисене саккунлă майпа памалла теççĕ ун йышшисем. Анчах хăй вăхăтĕнче саккунлă туман япалана паян аукционта кăна илме ирĕк пур. Аукционта вара кам ытларах укçа сӳнет, çавă çĕнтерет.

Апла-и, капла-и, тавлашу самай çуратнă ыйту халĕ тинех вĕçленет теме юрать.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org