Тимӗр Акташ: Эпĕ В. Туркай статьипе килĕшместĕп!

Тимӗр Акташ07.03.2015 20:5819901 хут пӑхнӑ

1. Атнер Хусанкая хирĕç ĕçне В.Туркай 1995-мĕш çулхи çĕртме уйăхĕнче, Шупашкарта, Чăваш наци конгресĕн 2-мĕш Аслă Пуху вĕçленнĕ чух тума хăтланнă. (Аса илтеретĕп: 1993-мĕш çулхи раштав уйахĕнче ЧР Президент пулса Н.В.Фёдорова суйланă.) 1995-мĕш çулхи çĕртме уйăхĕнче, Чăваш филармонийĕнче, ЧНК Президентне суйланă чух ăнсăртран В. Туркай, ЧНК вице-президент пулнă май (çак должностьне пурнăçланса 1995-мĕш çулхи çуркунне пуçласа), «ЧНК Президенчĕ эпĕ пулмалла!» тесе евитленĕ. Аслă Пухăвĕн делегатсем аптраса ӳкнĕ: мĕншĕн А.Хусанкай мар? Мĕншен В. Туркай? А. Хусанкай — 1992 çулхи юпа уйăхĕн 9-мĕшĕнче, ЧР Аслă Канашĕн Президиумĕн членĕ пулнă чух, ЧНК еркелекенĕ, ăна ЧНК Президент должноçне лартма суйланă. Вăл ЧНКна пĕтĕм тĕнче шайне хăпартрĕ, сумлă ертӳçĕ. 1991-мĕш çулхи раштав уйăхĕнче А.Хусанкай Чăваш Республикин Президент суйлавĕнче чи нумай сасă — 46,4 процент пуçтарнă.

В. Туркай тата хастар чăваш, поэт та маттур. Анчах, вĕсем шайĕсем расна. В. Туркай А. Хусанкай çумĕнче ĕçле-ха, ертӳçине пулăш. Анчах В. Туркайăн амбицийĕ темшĕн ытла пысăк... ЧНК 2-мĕш Аслă Пухăвĕ ăна ЧНК Президент пулса суйламан. Çакăн хыççăн В. Туркай ЧНК Аслă пухăвĕнчен демонстративла, юри палăртса тухса кайнă.

2. 1997-мĕш çулхи юпа уйăхĕнче ЧНК 3-мĕш Аслă Пухăвĕ уҫнӑ кунӗнче, «Советская Чувашия» хаҫатра А.Хусанкая хирӗҫ В. Туркайӑн статья пичетленсе тухрӗ. Ҫакна чатмасӑрах, эпӗ ЧНК Аслӑ Пухӑвӗн трибунӗнче каларӑм: «Валерий Владимирович, эпӗ санпа килӗшместӗп! Мӗншӗн эс сумлӑ ҫынна тапӑнатӑн? Вӑл чӑваш халӑхӗн паллӑ ҫын, вӑл историре юлать. Ку событи — ЧР Президент тепӗр суйлавӗ умӗн. Эп шутлатӑп: Ку статья суйлавпа ҫыхӑннӑ». Кайран В. Туркай Н.В. Фёдоровшӑн Чӑваш телевиденийӗнче пӗрре мар агитациленӗ. Н. Фёдоров Чӑваш радиопа каланӑ: «Я буду выжигать национализм калёным железом!»

3. Нумаях пулмасть ЧР Мининформполитики В. Туркая «Хыпар» хаҫата ертсе пыма лартнӑ. Ҫак должноҫе усӑ курса, халӗ вӑл каллех А. Хусанкая тапӑнать, хайӗн хаҫатра тустарать. Каллех политика пирки. Каллех кӑҫал ЧР Пуҫлӑхне суйламалла. Каллех «крамолӑна», пӑлхава хӗртнӗ тимӗрпе ҫунтараҫҫӗ...

4. В. Туркайӑн памфлет пичетленнӗ кун, нарӑс уйӑхӗн 27-мӗшӗнче В. Путин сӗннӗ праҫник палӑртнӑ — День подразделений специальных операций. Шӑпах ҫулталӑк каялла Украинӑри Крым Автономи Республикине «неизвестные вооружённые вежливые люди» ярса илчӗҫ. Кайран ҫак «ҫынсем» ҫакӑн пек Донецк, Луганск, Славянск хулисене те хӗҫпӑшалсемпе ярса илчӗҫ. Пуҫларӗ вара Украинӑра юнлӑ вӑрҫӑ...

Кӑҫал ҫак кун, нарӑс уйӑхӗн 27-мӗшӗнче, ҫӗрле, паллӑ Раҫҫейри оппозицийӗ политикне, киревсӗр вӑрҫӑпа кӗрешекен Борис Немцова та сӗмсӗррӗн, Кремль умӗнче, «неизвестный вооруженный» персе пӑрахрӗ. Пӗтӗм Раҫҫей интеллигенцийӗ, Европа политиксем хурланаҫҫӗ. Пуш уйӑхӗн 1-мӗшӗнче, Б. Немцова асӑнса, Мускавра 50–70 пин ҫын хурлӑхлӑ марш иртерет. Тӗрлӗ Раҫҫейри хулисенче, Шупашкарта та, Европӑра асану хурлӑхлӑ акцийӗсен иртереҫҫӗ. Кайран темиҫе пин Б.Немцова юлашки ҫулпа ӑсатаҫҫӗ. Каллех Раҫҫей, Европа паллӑ политиксемпе пӗрле. Анчах, «Хыпар» хаҫатра ҫак ҫинчен пӗр сӑмах та ҫук!... Ӑҫта гласность? Ӑҫта чӑнлӑх? Намӑс мар-и, Валерий В.Т., тӗп редактор?!

Тимер АКТАШ, журналистикӑпа ӗҫ ветеранӗ.

Шупашкар хули

2015-мӗш ҫулхи Пуш уйӑхӗн 7-мӗшӗ

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (64)]

Комментари:

Agabazar // 3280.21.1579 2015.03.18 19:22
	Тимĕр Акташăн статйи пирки сăмах пырать
Ют Ҫын // 3435.22.8612 2015.03.19 07:12
	Ара Акташӗ те ҫырнӑ вӗть ха Немӑц ҫинчен,чылай абзац ҫырнӑ. Кӑшт кӑна макӑрса илмен,чӑн-чӑн таса чунлӑ,чӑн-чӑн "честнӑй" этем пиртен уйрӑлса кайнӑ иккен.Чӑваш патриочӗсемшӗн ун чуль куҫҫуль кӑларас ҫук.
Аçтахар Плотников // 3421.06.8915 2015.03.24 13:25
	Паян «Хыпарта» Виталий Родионовӑн «Тӑван ҫирӗ тӑванах...» статьи кун ҫути курнӑ. //маларах ӑна «Ирӗклӗ сӑмахра» вырнаҫтарнӑччӗ. Туркай хӑйне хирӗҫ ҫырнӑ статьясене те пичетлет пулсан — ку ман шутпа хаҫатри ырӑ пулӑм.
Иван // 4117.51.7078 2015.03.24 13:48
	Мĕн, малтанхи Хыпарта авторсене пичетлемен-им? Кунта Туркай малтан МĔН çырни пирки калаçмалла. РОДИОНОВА пичетлемен пулсан-и?.. Шăла çыртмалла та -пичетлемеллехчĕ.Кунта паттăрлăх курмастăп Туркай енчен.
Agabazar // 2881.77.5334 2015.03.24 17:30
	Никаран та нимĕнле паттăрлăх та кĕтмеççĕ. Паттăрсен вĕçне тăрса юлсан — пурнăç пĕтет.
Тимӗр // 4916-2612 2015.03.24 22:19
	Станьяла млтанхи Хыпарта пичетлемен те,мӗн калаҫмали пур?.Пире вара ҫывӑхне те яман.Халиччен нимле редактор та хӑйне хирӗҫ ҫырнӑ стаьяна хӑйӗн хаҫачӗнче кӑларнине илтмен.Туркай-маттур!.Кун пек пулсан Хыпара ҫырӑнма юрать.
Иван // 4117.51.7078 2015.03.25 20:34
	Çырăн та квитанцине кайса кăтарт Админа е Акапасара. Ачамккă, санашкал йомăш çыракансене хăш редактор пичетлĕ-ши?
Пĕр хĕрарăм // 8007.8.2385 2015.03.25 21:18
	Тимĕр,Таймер тет-и-ха сана Акапасар,эс ăçта пултăн халиччен,мĕншĕн Туркая маларах хутĕлемерĕн,кунта сана пĕлмен Иван та пур иккен... ЙОМĂШ çыратăн тет тата...
Ют Ҫын // 1443.02.6732 2015.03.25 22:41
	Тимӗрӗн квитокӗ кама кирлӗ? Таймерӑн шалти судья пур, шалти турӑ тесе шутлатӑп. Вуҫҫех Админ мар, тата вуҫҫех Agabazar та мар мар.Кашнин шалти совӗҫ чӳлмекӗ пулмалла. Совӗҫ ҫуккипе куратӑр и тӗнче саланать авӑ.
Сарбай // 4186.57.1361 2015.03.26 09:31
	Мĕнле автор пулчĕ ку халиччен илтменччĕ