Клавье Таранова: Тур-тур, кай-кай, мĕн хăтланать Туркай!

Клавье Таранова20.01.2015 19:1343194 хут пӑхнӑ

Çĕнĕ "Хыпар" çамкинче кун ячĕсене вырăсла çырма пуçларĕç. Кăна çапла ăнлантарчĕç: чăваш халăхĕ... м-м-м... ну, леш, мĕнех мар иккен - чăвашла уйăх ячĕсемне чĕрĕк ĕмĕр хушшинче те хăнăхса çитеймест имĕш. Çавăнпа хаçатне те вуласшăн мар. Вулакан кăмăлне çавăрас тесе Туркайсем уйăх ячĕсене каллех вырăсла çырма пуçланă пулать. Юрĕ, тейĕпĕр, пасар тапхăрĕнче сыпăнтарса пурăнас тесе тем те сутма ирĕк пур.

Çак кунсенче "Хыпарта" 2015 çулхи календарь пичетленсе тухрĕ. Куртăм та паччушки: уйăх ячĕсем пуçламăшĕ кăна пулнă иккен! Чăваш халăхĕ кун ячĕсене те чăвашла ăнланмасть пулас. Календарьти кун ячĕсем шалт вырăсла! Вăл çеç те мар-ха, Республика Кунне те (ăна ĕлĕкрех Чăваш Патшалăх Кунĕ теттĕмĕр!) "Хыпарта" паллă тума шутламаççĕ - календарьте вăл ахаль-махаль кун пекех хуп-хура. Ун çумĕнчи Раççей Кунĕ вара Мăнкун çăмарти пекех хĕп-хĕрлĕ.

Ай-уй, кун пек хăвăртлăхпа пырсассăн çулталăк вĕçленнĕ тĕле "Хыпарта" чăваш шăрши-маршине те юлмаç пуль? Тур-тур, кай-кай, мĕн хăтланать Туркай!

Клавье Таранова

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (182)]

Комментари:

Конми // 5832.0.8476 2015.02.09 22:18
	Масарта чаваланас йăла халăхăмăр ăстăнне минретниех. Çакна яланах асра тытмалла. Никольский сăнне Яковлевăннипе ылмаштарни пысăк çылăхах мар. Яковлева хурланин вара ырринчен сиенĕ шутсĕр пысăк. Ытти халăхсем кун пек ăссăрланмаççĕ. Хамăрăн Удăпсем Улăпсемех пулччăр, ыттисене ÇĔКЛЕР ВĔСЕМПЕ ЮНАШАР, вĕсем вырăнне мар. Вырăссене тĕне кĕртекен Владимирăн 47 арăм, 100 ытла хăрхăм пулнă малтан, ăна СВЕТТУЙ (ТАСА) тесе чыслаççĕ.
Мачча // 4117.51.7078 2015.02.10 09:27
	КОНМИ юлташ, Никольские Яковлевпа ылмаштарни - ҫылӑх!!! Хыпара Никольский уҫнӑ! Ӑнланатпӑр-ха: Туркай Леонтьева тавӑрасшӑн, айванла тавӑру!. Никольские ма тӗкӗнмеллеччӗ!!
Акапасар // 9156.5.1970 2015.02.10 14:45
	"Хыпар" хаçата никĕслекенĕ И.Я.Яковлев мар!!!
Ача // 4117.51.7078 2015.02.12 21:01
	Ухмах та пӗлет!!!
Акапасар // 1755.84.6094 2015.02.13 12:42
	Тĕрĕс, Акапасар та авă "ухмах", анчах вăл та пĕлет çак ансат япалана. "Ăслисем", ав, ним пелмесĕр пурăнаççĕ...
Agabazar // 2672.28.9097 2015.02.13 22:23
	Чăвашла пĕрремĕш хаçата чăн малтан никĕслеме пикеннĕ çын вăл — Иван Николаевич Юркин. http://ru.chuvash.org/blogs/comments/2171.html Анчах та И.Я.Яковлев ура хурса пынине пула вăл хăйĕн "Пулхăр" проектне пурнăçа кĕртеймен. Вăт Никольскийĕн сăнне Юркинăннипе улаштарнă пулсан кăштах ăнланма пулĕччĕ...
Ача // 4117.51.7078 2015.02.14 20:41
	"Ухмах" - сан пирки мар, хӑвах чухлатӑн кам пиркине.
Agabazar // 3692.21.7359 2015.02.15 00:24
	Э çук, "ухмах" тени кунта лайăх пĕлтерĕшпе....
Конми // 1718.4.2469 2015.02.15 08:47
	Пĕр-пĕрне варалама, тикĕтпе сĕрме пăрахмалла.Кĕвĕçÿ, вăрттăн курайманлăх наркăмăшне сирпĕтни нихçан та ырра пулман. Чуна ыраттарать çак лару-тăрура "Хыпар кама лекĕ" тени. Выçăхнă чурасем хуçи лартса панă апат чашăкĕнчи аш татăкне маларах тытса илме ĕмĕтленсе тÿпелешни куç умне тухать. Интелектлă тени - ăслă-пуçлă тенипе пĕр килет.
Пĕр хĕрарăм // 1146.75.4427 2015.02.16 15:53
	Конми,веç пĕлен вĕт-ха эс...Сан чиркÿре çеç ĕçлемелле...