Клавье Таранова: Тур-тур, кай-кай, мĕн хăтланать Туркай!

Клавье Таранова20.01.2015 19:1339458 хут пӑхнӑ

Çĕнĕ "Хыпар" çамкинче кун ячĕсене вырăсла çырма пуçларĕç. Кăна çапла ăнлантарчĕç: чăваш халăхĕ... м-м-м... ну, леш, мĕнех мар иккен - чăвашла уйăх ячĕсемне чĕрĕк ĕмĕр хушшинче те хăнăхса çитеймест имĕш. Çавăнпа хаçатне те вуласшăн мар. Вулакан кăмăлне çавăрас тесе Туркайсем уйăх ячĕсене каллех вырăсла çырма пуçланă пулать. Юрĕ, тейĕпĕр, пасар тапхăрĕнче сыпăнтарса пурăнас тесе тем те сутма ирĕк пур.

Çак кунсенче "Хыпарта" 2015 çулхи календарь пичетленсе тухрĕ. Куртăм та паччушки: уйăх ячĕсем пуçламăшĕ кăна пулнă иккен! Чăваш халăхĕ кун ячĕсене те чăвашла ăнланмасть пулас. Календарьти кун ячĕсем шалт вырăсла! Вăл çеç те мар-ха, Республика Кунне те (ăна ĕлĕкрех Чăваш Патшалăх Кунĕ теттĕмĕр!) "Хыпарта" паллă тума шутламаççĕ - календарьте вăл ахаль-махаль кун пекех хуп-хура. Ун çумĕнчи Раççей Кунĕ вара Мăнкун çăмарти пекех хĕп-хĕрлĕ.

Ай-уй, кун пек хăвăртлăхпа пырсассăн çулталăк вĕçленнĕ тĕле "Хыпарта" чăваш шăрши-маршине те юлмаç пуль? Тур-тур, кай-кай, мĕн хăтланать Туркай!

Клавье Таранова

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (182)]

Комментари:

Agabazar // 4073.75.6565 2015.02.20 17:36
	Мĕн тума кирлĕ вĕсем? Инкеке йыхăрсах ертсе килмелле мар пуль ĕнтĕ. "Ан хăрăр", çиччас персе çитеççĕ вĕсем. Хăнăхнă ячĕсемпе мар-тăк, ытти никнеймсемпе! "Сăваплă" вырăн вăл нихçан та пушă тăмасть. Е, вырăсла калас пулсан, свято место пусто не бывает. Юрĕ, Туркайпа ун таврашĕ пиркиех сăмаха малалла кустарар.
Конми // 1640.66.3234 2015.02.23 00:11
	Харкашса, чăркăшса кама хавасланnарас тетĕр? Хуçа тата пысăкрах татăк пăрахса парсан мĕн хăтланăр ăна ярса тытма тăрăшса? Икĕ тема уçса тÿпелешетĕр. Халăх хаçата çырăнма пачах пăрахтăр тетĕр-и. Пĕри айванланнă, вараланнă, ун тавра тапăртатса хăвăра, хамăр çыравçăсене халăх умĕнче çарамаслантарнине те туймастăр-ши вара?
Ача // 4117.51.7078 2015.02.27 15:20
	Паянхи Хыпарта Атнер Хусанкай пирки ҫырнӑ статьяпа Туркай хӑйне тепӗр стриптизра кӑтартрӗ. Ҫарамаслантармаллипех ҫарамаслантарчӗ. Хыпар хуралсах пырать.
Agabazar // 5514.7.1089 2015.02.27 18:34
	Екатерина Станиславовна Самуцевич, Пуççĕ Райăт текенскерсенчен пĕри. ĔЛĔКХИ ТУССЕНЕ СУТНИ мĕн патне илсе пыни пирки çак истори. http://www.echo.msk.ru/blog/moscow_advokat/1501396-echo/
Agabazar // 5514.7.1089 2015.02.27 18:46
	Пуççĕ Райăт. Толоконникова, Алёхина, Самуцевич. Çак виç çынна судпа айăплама тăратнă пулнă. Самуцевич тĕрмерен хăтăлса юлайнă. Юрĕ, аван тейĕпĕр. Анчах мĕншĕн хăйĕн адвокачĕсене, ĕлĕкхи тусĕсене пылчăкпа вараламалла?
Аксар Чунтупай // 2653.38.9446 2015.02.27 19:49
	Туркай деградацийĕ экстазах кĕрсе кайрĕ. Чăваш халăхĕн ирĕклĕ аталанăвĕшĕн тăрăшакан наци совеçне Атнер Хусанкая хирĕç çырнă статья (http://www.hypar.ru/cv/atner-ph-pus ... emereh-kamalsarrisem)влаç номенклатурин сакасĕ е Туркай влаç чирĕпе чирлени... Апла пулсан чăваш историне хура ятпа çеç кĕрсе юлĕ вăл... Чăваш халăх хаçатне çĕнĕрен уçмалла (ятне улăштарса)! Туркай хаçачĕ вăл, халăх хаçачĕ мар!
Аксар Чунтупай // 2653.38.9446 2015.02.27 19:53
	"Хыпара" ан çырăнăр, "Салам" хаçата çырăнăр!
No toră // 1155.53.9116 2015.02.27 20:00
	Юрать "Салам"ĕ пур халăхĕн.
Клавье Таранова // 1873.73.5647 2015.02.27 22:22
	Турăçăм, нĕрсĕрлĕхĕн чикки çук иккен... Хăрушă, кам аллине лекнĕ Никольский пурнăç панă "Хыпар"? "Хыпарăн" редколлеги членĕсен те намăс-симĕс тени вуçех çук-ши вара? Кай-кай-кай, МĔН калама пултарĕç-ха вĕсем КУН хыççăн? Турăçăм, каçар вĕсене, Атнер Петровича хирĕç каварлашса хура ĕç тăвакансене! Нивушлĕ пĕрин те пулин совеçĕ вăранмасть? Хусанкай умĕнче ÿкĕнсе каçару ыйтсан, тен, Турă та каçарĕ сире, шута илĕ... Станьял калашле, Турă мĕкĕте мар: пурне те курать.
Agabazar // 2471.98.8385 2015.02.27 23:59
	Туркая тÿнккени аван-ха вăл... Анчах та эсир "тепловая ловушка" текенни çинчен илтнĕ-и? https://ru.wikipedia.org/wiki/Средства_инфракрасного_противодействия http://www.findpatent.ru/patent/236/2361171.html