Аçтахар Плотников: Испанла, нимӗҫле, хрансусла тытма пулать, чӑвашла — ҫук

Аçтахар Плотников09.04.2014 22:0614228 хут пӑхнӑ

Сӑмахӑм ППЭ пирки. Ак ҫак хыпара вуласан тӗлӗнсех каятӑн — http://chuvash.org/news/5509.html.

Ара испанла та тытма палать, анчах чӑвашла — май ҫук. Чӑннипе те кутӑн-пуҫӑн ҫавӑрса хунӑ вӑхӑтра пурӑнатпӑр мар-и? Тӑван чӗлхепе экзамен тытма май ҫук. Вырӑс челхине Раҫҫей патшалӑх чӗлхи тесе тыттараҫҫӗ-ха, тӑван чӑваш чӗлхи пирки калаҫма пуҫласан — тӳрех хирӗҫ тӑраҫҫӗ! Ачисене испан чӗлхипе тыттарӗҫ, анчах чӑвашла мар...

Кӑҫал тата 9-мӗш классене те экзамен тыттарасшан мар пек калаҫаҫҫӗ... Какуй унта 11-мӗш класс пӗтерекенсем пирки. Министерство ҫыннисене вара мӑн асаттесем, мӑн асаннесем умӗнче намӑс мар-ши?

//йӑнӑшап пулсан — каҫарӑр

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (35)]

Ҫавӑн пекех пӑхӑр

2023.09.14

Комментари:

bor1959 // 1039.8.4424 2014.04.11 10:25
	Хисеплĕ Админ!Математикăна ирĕксĕрлесе вĕрентнисен шутĕнчен никам та математика инструменчĕпе усă курмасть пурнăçра( укçа хучĕсене шутланисĕр пуçне).А вăт пурнăçра( сăмахран, строительсене ĕçре геометри кирлĕ-тепĕр хут вĕренеççĕ, электриксене ĕçре математика кирлĕ-тепĕр хут вĕренеççĕ).Вырăс чĕлхипе те çавăн евĕрлех.Чăвашла та ăмăртса вĕренччĕр тесе условисем туса памалла, унсăрăн пулмасть.
bor1959 // 1039.8.4424 2014.04.11 10:37
	Варнава интервьюра калать:"Люди хотят в городе жить. Не хотят в деревне. Раньше как было, когда я был подростком? Никому не разрешали в город ехать, молодежь оставалась в деревнях. Я когда стал устраиваться иподьяконом в Рязани, мне было 18 лет, а паспорт невозможно получить было. Не давали. То есть, никто не мог в Рязани работать. Мне пришлось с хлопотами, по знакомству, получать паспорт.". Ялта пурнасшăн мар, шельмă, Акасапар пекех. Паспортне те по блату илтĕм те. Вот çавăн пек по-блату ирттернĕ пурнăçне, мăнтарăн.Вăн Праскье ун умĕнче мĕнле пуçне усса тăрать, тоже по-блату.
Аçтахар Плотников // 5043.2.1941 2014.04.11 13:19
	«Чăвашла та ăмăртса вĕренччĕр тесе условисем туса памалла, унсăрăн пулмасть.» Ара, тăватăп-иç. Сайта ятарласа çавăншăн туса. Шельмăсем вырăсла мар, чăвашла вулаччăр тесе. Ытти хатĕр-хĕтĕре те çав тĕллевпех туса. Анчах та чăвашла вĕрентме пăрахсан — кама валли пулĕ сайт? Ман малашлăх пирки те шухăшламалла вĕт! Вăт ыйтап та тӳре-шарран — вĕрентĕр ачасене чăвашла! Условисем туса парăр. Экзамен тытмалла мар пулсан — ача вăл предмета ăша хывмасть те. Ячĕшĕн кăна вĕренĕ...
Атнер // 3913.58.4645 2014.04.11 16:01
	Хисеплĕ Админ.Шкулта вĕрентнипе чăвашла вĕренме пултарнă ачана кама пĕлен?.Уйрăмах çак сайта кĕрекеннине?.Пур-и ун пеккисем?.Савăнтар тархасшăн пире.
Аçтахар Плотников // 5043.2.1941 2014.04.11 16:11
	Эпĕ, сăмахран. Шкулта вĕреннĕ, вĕрентекенĕ чаплах мар пулин те чăвашла пĕлетĕп. :) Эсир, мĕн, шкулта вĕренмен-им чăвашла?
Agabazar // 3044.49.3668 2014.04.11 17:07
	Слапух Турра, мана та шкулта чăвашла вĕрентнĕ. Шкулта вĕрентмен пулсан, эп тахçанах вырăса тухса каймалла.
bor1959 // 1039.8.4424 2014.04.11 17:08
	Хисеплĕрен те хисеплĕ Админ!Эсĕ шкулта вĕреннинчен ытла килте чăвашла атте-аннепе, тăвансемпе, ялйышпа калаçнă. Шкулта вĕреннипех нихçан та чăвашла вĕренимастăн. Тташе эпĕ хăшпĕр чăвашла сăмахсене аран-аран аса илсе çыратăп. Чăвашла яланах калаçмасан асăмра юлать темиçе сăмах анчах.
Аçтахар Плотников // 5043.2.1941 2014.04.11 19:43
	Шкулта та чăвашлах калаçса...
Agabazar // 3044.49.3668 2014.04.11 19:52
	Шкулта чăваш чĕлхи пулмасан, вăл майĕпен килтен те çухалать. Тĕнчере тĕлĕнтермĕшсем пулмаççĕ.
Анатсем // 9290.9.6668 2014.04.11 20:38
	Авал чăваш чĕлхи мĕнле майпа упраннă-ши вара? Пирĕн куна та çапла чĕррĕн çитнĕшĕн кама тав каламалла?