Аçтахар Плотников: Майӗпен чӑваш карттине ӑсталатӑп

Аçтахар Плотников10.02.2014 00:1323397 хут пӑхнӑ

Паян кунӗпе тенӗ пекех чӑваш карттине ӑсталаса лартӑм.

Ҫапларах пулать вӑл:

Паян эп Шупашкар районӗнчи ялсене кӗртрӗм, тата Шупашкар хулине вырнаҫтартӑм. Кашни кун перер район тусан уйӑх хушшинче хатерлесе ҫитерме пулать те.

Чи малтанах кашни ялӑн ӗлкине тӑвасшӑнччӗ, анчах А1 форматпа пичетлесен те вӗсем ытла вӗтӗ пулаҫ иккен. Вара пысӑк ял-хуласенне кӑна ҫапла тума шутларӑм: Ишлей, Тренкасси, Апаш + район центрӗсенне.

Район центрӗсемпе хуласен ячӗсене ҫавах та икӗ чӗлхепе парас терӗм :) // пӗрисем ҫавнашкал картата кӑларнӑччӗ — район центрӗсене те пулин чӑвашла ҫырса тухнӑччӗ.

Тӗп ҫулсем хушшине эп район центрӗсене илсе ҫитерекеннисене те кӗртрӗм.

Шел те, пур яла та кӗртеймӗн ҫав — кӗртес тесен ытла вӗтӗ шрифтпа пичетлеме тивет.

Тӗпӗ валли эп Яндекс карттине илтӗм — унтан вармансемпе юханшывсене касса кӑлартӑм. Ҫавах та кайран юханшывсене тата тепӗр хут хулӑмраххӑн палартса тухма тивет пуль.

Тата ҫулсене май ҫитнӗ таран ытларах кӑтартмалла пуль?

Менле шуталтӑр, хӑвсамӑрӑн шухӑшара пӗлтерӗр-ха.

Тата ыйту: пичетлесе кӑларсан туянакансем тупӑнӗҫ-ши?

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (50)]

Ҫавӑн пекех пӑхӑр

2023.01.10

Комментари:

Аçтахар Плотников // 3539.10.3538 2014.09.02 01:08
	Етĕрне районне турăм-турăмах паян :) http://img-fotki.yandex.ru/get/6745 ... f1_8107a5ee_orig.jpg Тата Муркаш районĕ юлать :)
Аçтахар Плотников // 3539.10.3538 2014.09.02 21:51
	http://img-fotki.yandex.ru/get/6810 ... 05_c9fd7a27_orig.jpg — Муркаш районĕ пулчĕ. Халь тата юханшывсене чĕрсе тухмалла, чукун çула ӳкермелле. Мĕнле пек, ял тăрăхĕсен тĕпĕсене (центрĕсене) уйрăммăн палăртмалла-ши? // тĕрĕссипе эп ял тăрăхĕсен чиккисене те палăртса тухасшăн, анчах ку 2-мĕш версинче пулать пулĕ
Agabazar // 1302.65.3978 2014.09.04 17:20
	Хĕрлĕяр мĕн вăл? Ахăртнех Хĕрлĕçыр
Аçтахар Плотников // 3154.76.1416 2014.09.04 20:08
	«Хĕрлĕяр» çав. Хĕрлĕçыр мар.
Аçтахар Плотников // 5043.2.1941 2014.10.24 15:35
	http://img-fotki.yandex.ru/get/5408 ... 27a1_2e31931b_XL.jpg — Çĕпрел районĕ. Таврапĕлӳçĕсем хак панă хыççăн вĕсем тупнă йăнăшсене тӳрлетрĕм + тулаш ял-хуласене палăртма тытăнтăм. «Сувар» хаçат тивĕçтернĕ тăрăх чăваш ялĕсене уйрăммăн палăртас терĕм-ха
Agabazar // 1836.71.4702 2014.10.24 17:14
	"Яр" сăмах мĕне пĕлтерет-ши? Каракитан — чăвашла "Хура Ката" теççĕ (100%) Чÿвашская Бездна — Чăваш Паснапуç Татарская Бездна — Тутар Паснапуç
Аçтахар Плотников // 5043.2.1941 2014.10.24 18:14
	Юрать
Аçтахар Плотников // 5043.2.1941 2014.10.24 18:14
	Яр = çыр.
Agabazar // 1136-8000 2014.10.24 18:54
	Тахçан Вырăс Паснапуçĕ те (Русская Бездна) пулнă тенине илтнĕ. Анчах та хальхи вăхăтра унашкал ял çук.
Agabazar // 1136-8000 2014.10.24 18:54
	Ну унта кăтартман ялсем пур. Мĕншĕн апла иккенне тахçанах ăнлантарнă. Çав вăхăтрах Пĕрремĕш Никишино хальхи вăхăтра пурри пирки иккĕленетĕп. Тен, масар вырăнĕ юлнă пуль ĕнтĕ... Пĕтнĕ ялсен вырăнĕсене "урочище" теççĕ вырăсла....