Уҫырма — Канаш районӗнчи ял. Уҫырма ял тӑрӑхне кӗрет.
Шупашкартан 80 ҫухрӑмра, Канашран 2 ҫухрӑмра ларать.
Ял витӗр Уҫырма юханшыв иртет.
1927 ҫулчен ял Ҫӗрпӳ уесӗн Шӑхасан вулӑсне кӗнӗ. 1927 ҫулхи юпа уйӑхӗн 1 хыҫҫӑн хальхи вӑхӑтчен Канаш районне кӗрет.
XIX ӗмӗр ҫурринче ҫак ял икӗ каса пайланса кайнӑ. 1926 ҫулта вара вӗсем тӗппипех уйрӑлса кайнӑ пулнӑ. 1964 ҫулхи пушӑн 6-мӗшӗнче вара Турикас Уҫырмапа тата Анаткас Уҫырма каллех пӗрлешнӗ.
1897 ҫулхи ҫырав тӑрӑх ялта пурӗ 875 ҫын пурӑннӑ.
1884 ҫултанпа ялта грамота шкулӗ ӗҫленӗ. Тепӗр ҫулта ӑна чиркӳ прихучӗн шкулӗ туса хунӑ. 1913 ҫултанпа — земство шкулӗ.
Ялта шкулсӑр пуҫне ача сачӗ, фельдшер пункчӗ, клуб, тӗслӗхлӗ вулавӑш, ҫыхӑну уйрӑмӗ пур.
XX ӗмӗр пуҫламӑшӗнче ялта 1 шыв арманӗ, 2 ҫил арманӗ, 1 лаша арманӗ ӗҫленӗ. 1930 ҫулта «Озирма» (Турикасра) тата «Производитель» (Анаткасра) колхоз йӗркеленнӗ.
Уҫырмара хальхи вӑхӑтра 3 лавкка ӗҫлет.
Статья каҫми :: Пичет версиӗ 
-0.7 °C