Чӑваш Енӗн Патшалӑх канашӗн виҫӗ фракци депутачӗсем — «Тӳрӗ кӑмӑллӑ Раҫҫей», РФКП тата РЛДП (ЛДПР) — Аслӑ сута ӳпкев янӑ. Вӗсем республика «Пӗрлӗхлӗ Раҫҫей» депутачӗсем хӑйсен йышӗпе усӑ курса республика Конституцине улшӑнусем кӗртсе унтан «патшалӑх» сӑмаха кӑларса пенине хирӗҫлесе ҫырнӑ.
Шалӑп яракансен шухӑшӗпе ҫак улшӑнӑва йӑнӑшсемпе кӗртнӗ — лару вӑхӑтӗнче депутатсене ун пирки систермесӗр хӑварма тӑрӑшнӑ, регламента вырӑсла кӑна салатнӑ.
Влаҫри тӳре-шара, уйрӑмах «Пӗрлӗхлӗ Раҫҫей» депутачӗсем, республикӑна патшалӑх шайӗнче курасшӑн марри сисӗнет. Элтепӗр шухӑшӗпе те патшалӑх тени ниме тӑман япала — вӑл, имӗш, халӑх пурнӑҫне нимле хӑт та кӗртмест, лайӑхлатмасть.
Чӑваш Енӗн Аслӑ сучӗн ҫыру секретарӗ пӗлтернӗ тӑрӑх ӳпкевпе мӗн тумаллине пилӗк кун хушшинче пӑхса тухӗҫ.
Шупашкарта ҫывӑх вӑхӑтра (29.07.2025 21:00) уяр ҫанталӑк, атмосфера пусӑмӗ 750 - 752 мм, 20 - 22 градус ӑшӑ пулӗ.
| Илле Тукташ, чӑваш сӑвӑҫи, ҫыравҫи, халӑх пултарулӑхне пухакан ҫуралнӑ. | ||
| Прокопьев Илья Павлович, политикӑпа парти ӗҫченӗ, экономист, публицист ҫуралнӑ. | ||
| Васянка Никифор Тарасович, чӑваш сӑвӑҫи вилнӗ. | ||
![]() | Пулӑм хуш... |