Ҫӗнӗ Шупашкарта пурӑнакан нумай ачаллӑ Шишовсене «Ашшӗ-амӑшӗн мухтавӗ» орденпа чысланӑ. Ӑна вӗсене РФ Президенчӗн Атӑлҫи федераци округӗнчи тулли праваллӑ элчи Игорь Комаров панӑ.
Сергей Евгеньевичпа Ольга Анатольевна 20 ҫул пӗрле пурӑнаҫҫӗ, 9 ача ӳстереҫҫӗ. Шишовсем – пултаруллӑ, спортпа туслӑ ҫемье, маунтинбайкпа кӑсӑкланаҫҫӗ. Хулара пурӑнаҫҫӗ пулин те вӗсен хула тулашӗнче ҫӗр пур, унта ҫурт лартаҫҫӗ.
2019 ҫулта Ольга Анатольевнӑна «Анне» паллӑпа чысланӑ. Шишовсем 2019 ҫулта «Ҫулталӑкри ҫемье» конкурсра ҫӗнтернӗ, республика чысне ҫӗршыв шайӗнче хӳтӗленӗ.
+8.3 °C