Чӑваш Енре пурӑнакансем кӑшӑлвируса пула ҫав-ҫавах чирлеҫҫӗ, вилекенсем те пур. Иртсе кайнӑ талӑкра чире тата тепӗр 45 ҫынӑнне тупса палӑртнӑ, 6 ҫын пурнӑҫран уйрӑлнӑ. Цифрӑсене ҫӗршывӑн опештабӗ паян ирпе пӗлтернӗ.

Пандеми пуҫланнӑранпа пирӗн респуликӑра кӑшӑлвируспа 21 пин те 926 ҫын чирленӗ. Пӗтӗмпе 1095 ҫын пурнӑҫран уйрӑлнӑ, 20 пин те 51 ҫын сывалнӑ. Иртсе кайнӑ талӑкра 38 пациента пульницӑран кӑларнӑ.

25 пин ытла ҫынна кӑшӑлвирусран вакцинаци тунӑ. Хӑшӗсене хальлӗхе пӗр хутчен туса ӗлкӗрнӗ, хӑшӗсене — иккӗ.