Чӑваш патшалӑх оперӑпа балет театрӗн сцена ӑстине, оркестр артистне, Марианна Архиповӑна, «Чӑваш Республикин тава тивӗҫлӗ артисчӗ» ят панӑ.
Марианна Германовна – скрипка ӑсти. Вӑл Шупашкарти Ф.П. Павло ячӗллӗ музыка училищинчен вӗренсе тухнӑ. Кайран ӑсталӑхне Хусанти консерваторире туптанӑ. Унта унӑн вӗрентекенӗсем Георгий Ходжаев тата Борис Каплун пулнӑ.
Чӑваш Енӗн ял хуҫалӑх министрне Сергей Артамонова Чӑваш Енӗн Министрсен Кабинечӗн Председателӗн тивӗҫне пурнӑҫлама шаннӑ.
Кун пек йышӑнӑва Чӑваш Енӗн Конституцийӗн 72-мӗш статйипе килӗшӳллӗн алӑ пуснӑ. Сергей Геннадьевич унччен Председателӗн ҫумӗ пулнӑ.
Хушӑва Олег Николаев Элтепер нарӑс уйӑхӗн 28-мӗшӗнче алӑ пуснӑ.
Чӑваш Енри ике ҫынна паян «Чӑваш Республиикн культурӑн тава тивӗҫлӗ ӗҫченӗ» хисеплӗ ят панӑ.
Вӗсенчен пӗри — Мария Васендина. Вӑл Сӗнтӗрвӑрри муниципаллӑ округӗнче «Тӗп вулавӑш тытӑмӗ» учрежденире сектор заведующийӗнче тӑрӑшать. Иккӗмӗшӗ вара — Ольга Фёдорова. Вӑл – Чӑваш патшалӑх пукане театрӗн йӗркелӳпе право пайӗн пуҫлӑхӗ.
Чӑваш Енӗн строительство экспертизин тата хаксене йӗркелекен центрӗн директорне Ольга Ахмеевӑна ӗҫрен кӑларнӑ. Документа республикӑн ертӳҫи Олег Николаев нарӑс уйӑхӗн 6-мӗшӗнче алӑ пуснӑ.
Асӑннӑ учреждени республикӑн Строительство, архитектура тата ҫурт-йӗрпе коммуналлӑ хуҫалӑх министерствине пӑхӑнса тӑрать.
Чӑваш Енӗн Стройминӗн «Биологилле тасатмалли сооруженийӗ» учрежденийӗпе Чӑваш Республикин «Ҫӗнӗ Шупашкарти коммуналлӑ сетьсем» унитарлӑ предприятине пӗрлештерӗҫ. Кун пек документа республикӑн влаҫ органӗсен официаллӑ порталӗнче вырнаҫтарнӑ.
Икӗ предприятие пӗрлештернӗ хыҫҫӑн Биологилле тасатмалли сооружени ҫеҫ тӑрса юлӗ.
Чӑваш Енӗн Культура министерствине пӑхӑнса тӑракан «Культура эткерлӗхне хӳтӗлес енӗпе ӗҫлекен патшалӑх центрӗ» патшалӑх учрежденийӗн директорне Александр Ипатьева ӗҫрен кӑларнӑ.
Хушӑва республика ертӳҫи Олег Николаев паян, раштав уйӑхӗн 11-мӗшӗнче, алӑ пуснӑ.
Икӗ пуҫлӑха тава тивӗҫлӗ ят панӑ Чӑваш Енри икӗ тӳре-шара тава тивӗҫлӗ ят панӑ.
«Чӑваш Республикин транспортӑн тава тивӗҫлӗ ӗҫченӗ» ята республикӑн транспорт тата ҫул-йӗр хуҫалӑхӗн министрӗн ҫумӗ Юрий Арлашкин тивӗҫнӗ. Ку хисепе вӑл «строительствӑри тава тивӗҫлӗ ӗҫсемшӗн тата нумай ҫул тӑрӑшса ӗҫленӗшӗн» тивӗҫнӗ.
Ял хуҫалӑхӗнчи тава тивӗҫлӗ ӗҫсемшӗн тата нумай ҫул тӑрӑшса ӗҫленӗшӗн Чӑваш Енӗн Гостехнадзорӗн инспекцийӗн пуҫлӑхне Владимир Димитриева «Чӑваш Республикин ял хуҫалӑхӗн тава тивӗҫлӗ ӗҫченӗ» ят панӑ.
Чӑваш Енӗн Сывлӑх сыхлав министерствин «Фармаци» унитарлӑ предприятийӗн генеральнӑй директорӗ пулма Игорь Степанова ҫирӗплетнӗ. Йышӑнӑва республика ертӳҫи юпа уйӑхӗн 23-мӗшӗнче алӑ пуснӑ. Документа республикӑн влаҫ органӗсен официаллӑ порталӗнче вырнаҫтарнӑ.
Коллектива ҫӗнӗ ертӳҫӗпе сывлӑх сыхлав министрӗ Владимир Степанов ӗнер паллаштарнӑ.
Игорь Степанов 2002 ҫулта Питӗрти И.И. Мечников патшалӑх медицина академийӗнчен вӗренсе тухнӑ. Асӑннӑ хулари онкологи диспансерӗнче вӑл врач-фармаколог тата клиника фармакологийӗн заведующийӗ пулса тӑрӑшнӑ, Чӑваш Енӗн Сывлӑх сыхлав министерствинче пурлӑхпа ресурс пайӗнче, Курган облаҫӗнчи Сывлӑх сыхлав департаментӗнче, унти онкологи диспансерӗнче тӗп врачӑн ҫумӗ, Архангельск облаҫӗнчи Новодинскри хула больницинче тӗп врачӗн ҫумӗ пулса тимленӗ.
Чӑваш Енре бомбӑран хӳтӗленмелли вырӑнсене тӗрӗслӗҫ. Ҫакӑн пирки республика Элтеперӗ Олег Николаев ятарлӑ йышӑнӑвах кӑларнӑ. Документа ҫурла уйӑхӗн 31-мӗшӗнче алӑ пуснӑ.
Халӑха хӳтӗленмелли тӗрлӗ сооружение тата ытти ҫавӑн йышши объекта инвентаризацилесси ҫинчен кӑларнӑ документа республикӑн влаҫ органӗсен официаллӑ порталӗнче вырнаҫтарнӑ.
Инвентаризацие маларах асӑннӑ объектсен шутне, вӗсен тӑрӑмне тата право статусне палӑртас тӗллевпе ирттереҫҫӗ.
Инвентаризаци валли ятарлӑ кломисси йӗркеленӗ. Ӑна республикӑн ял хуҫалӑх министрӗ Сергей Артамонов ертсе пырать. Йыша ҫавӑн пекех Инкеклӗ ӗҫсен патшалӑх комитечӗн Росреестрӑн, Инкеклӗ ӗҫсен министерствин, Сывлӑх сыхлав тата Стройминӗн ӗҫченӗсем кӗнӗ.
Тӗрӗслеве юпа уйӑхӗн 1-мӗшӗччен вӗҫлемелле.
Чӑваш Ен Элтеперӗн йышӑнӑвӗпе Чӑваш Енре пӑтӑрмахпа ӗҫлекен штаб туса хунӑ.
Асӑннӑ документ ячӗ ҫапларах: О создании регионального штаба по исполнению инцидента № 55 «Очистные сооружения» (чӑв. «Тасатмалли сооруженисем» 55-мӗш номерлӗ инцидента пурнӑҫа кӗртессипе ӗҫлекен регионти штаба туса хурасси ҫинчен).
Асӑннӑ документ, ҫак йӗркесен авторӗ штаб ятне кура тӗшмӗртнӗ пекех, Атӑла тасатассипе ҫыхӑннӑ федераци проекчӗпе ҫыхӑннӑ иккен.
Атӑла тасатассипе ҫыхӑннӑ федераци программине хӑш-пӗр регионта тивӗҫлипе пурнӑҫламанни ҫиеле тухнӑ хыҫҫӑн (укҫана хут ҫинче тӑкакланӑ, ӗсне йӗркеллӗ пурнӑҫламан) ку ыйтӑва тӗрлӗ Телеграм-каналта, пуҫлӑхсен, ҫивӗч чӗлхеллӗ общество хастарӗсен шайӗнче хытах ҫӗклерӗҫ. Ҫак йӗркесен авторӗ пӗлнӗ тӑрӑх, пирӗн республикӑра та кӑлтӑксӑр пулман.
-11.7 °C