Пӗрремӗш каналпа кӑтартакан «Непутёвые заметки с Дмитрием Крыловым» телекӑларӑмра хальхинче Чӑваш Енпе паллаштарнӑ. Каларкама ӳкерекенсем Етӗрне, Канаш тӑрӑхӗсенче, Сӗнтӗвӑрринче, «Ясна» этнокомплексра тата ытти хӑш-пӗр вырӑнта пулнӑ.
Кӑларӑма тимлӗ итленисем хӑш-пӗр факт йӑнӑшӗсене асӑрханӑ-ха. Ҫак йӗркесен авторӗ, сӑмах май каласан, туй хыҫҫӑн тӑватӑ кунта ҫӗнӗ мӑшӑр валли чӑвашсем нимелле пӳрт лартса параҫҫӗ тенине илте юлчӗӗ. Хальхи вӑхӑтра ниме, шел пулин те, манӑҫа тухса пырать.
Апла-и, капла-и, федераци телеканалӗпе республикӑмӑр тата чӑваш йӑли-йӗрки ҫинчен каласа кӑтартни паха.
+16.3 °C