Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Ҫӳрен каска якалнӑ, выртакан каска мӑкланнӑ.
[ваттисен сӑмахӗ]
 

Хыпарсем: Элтепер

Политика

ЧР вӗренӳ министрӗн тепӗр ҫум пулӗ. Ҫапла хушу кӑларнӑ ЧР Элтеперӗ Олег Николаев.

Министр ҫумӗ икӗ пая ерте пырӗ. Вӗсем ҫамрӑксен политики, ҫамрӑксен юхӑмӗн, патриотлӑх воспитанийӗн аталанӑвӗ енӗпе ӗҫлеҫҫӗ.

Хальхи вӑхӑтра Дмитрий Захаров министрӑн пӗрремӗш ҫумсӑр пуҫне тепӗр икӗ ҫум пур. Ҫӗнӗ должноҫе кам йышӑнасси хальлӗхе паллӑ мар.

 

Персона
cheb-centr.soc.cap.ru сӑнӳкерчӗкӗ
cheb-centr.soc.cap.ru сӑнӳкерчӗкӗ

Шупашкарта пурӑнакан Анфиса Когурьева паян, нарӑс уйӑхӗн 10-мӗшӗнче, 90 ҫул тултарнӑ. Сумлӑ юбилейпе кинемее Чӑваш Ен Элтеперӗ Олег Николаев хӑйӗн Телеграм-каналӗнче ӑшшӑн саламланӑ.

Куславкка районӗнчи Варасӑр ялӗнче ҫуралнӑскер Ҫӗрпӳри ял хуҫалӑх техникумӗнче вӗреннӗ. Пӗр вӑхӑт ял хуҫалӑх предприятийӗнче агрономра тӑрӑшнӑ, каярах Шупашкара куҫса кайнӑ.

Кинемей ҫулне кура мар йӑрӑ, ӑшӑ кӑмӑллӑ та йӑваш. Ахаль лариччен вӑл алла йӗп тытать те тӗрлӗ япала ҫыхса чунне килентерет. Ҫавӑн пек вӑл кичемлӗхе туймасть, пурнӑҫпа савӑнса пурӑнать.

Хыпар ҫӑлкуҫӗ: https://t.me/chebchentr21/2396
 

Республикӑра
ok.ru сайтри сӑн
ok.ru сайтри сӑн

Чӑваш Енре вытрезвитель уҫасси пирки тахҫанах калаҫма пуҫланӑччӗ. Хӑҫан пулӗ вӑл?

ЧР Элтеперӗ Олег Николаев ӑна кӑҫалах уҫасси пирки каланӑ. Вӑл куншӑн яваплӑ ведомствӑсене нарӑс уйӑхӗн 17-мӗшӗччен вытрезвитель ӑҫта пулассине палӑртма хушнӑ. «Пуш уйӑхӗн пусламӑшӗччен пирӗн вӑл мӗнле пулассин планне татӑклӑн пӗлмелле», - тенӗ Олег Алексеевич.

Сӑмах май, хӑш-пӗр регионта вытрезвительсем ӗҫлеҫҫӗ. Вӗсем ӳсӗр тата шӑнса кӳтнӗ ҫынсене пулӑшаҫҫӗ.

Хыпар ҫӑлкуҫӗ: https://pg21.ru/news/84855
 

Республикӑра

Вӑрнар районӗнчи Шӑхаль ялӗ ҫывӑхӗнчи «Уренгой – Помары – Ужгород» ҫӗр айӗнчи магистраль газ пӑрӑхӗ ҫӗнӗрен ӗҫлесе кайнӑ. Кун пирки ЧР Элтеперӗ Олег Николаев хыпарланӑ. Газ пӑрӑхӗ халӗ унчченхи пекех ӗҫлет.

Аса илтерер: пӗлтӗр раштав уйӑхӗн 20-мӗшӗнче 13 сехет те 44 минутра унта газ сирпӗннӗ. Ҫулӑм вун-вун метр ҫӳллӗшне кармашнӑ. Ҫав вӑхӑтра унта специалистсем юсав ӗҫӗсем тунӑ. Инкекре газ пӑрӑхне юсанӑ виҫӗ специалист вилнӗ. Тепри, водитель, тӗлӗнмелле майпа чӗрӗ юлнӑ. Вӑл кӑштах суранланнӑ.

 

Республикӑра

ЧР Элтеперӗ Патшалӑх Канашне янӑ ҫырура республикӑра ҫуралнӑ ачасене парне пама сӗннӗ. Вӑл – чӑваш тӗрриллӗ тум.

«Телейлӗ ачалӑх ҫулталӑкӗнче тахҫантанпах сӳтсе явакан пулӑшу мерине пурнӑҫламалла тесе шутлатӑп. Ку – тин ҫуралнӑ ачана наци символикиллӗ парне парасси», - тенӗ Олег Николаев Элтепер.

Палӑртмалла: унччен республикӑра чӳк уйӑхӗн 26-мӗшӗнче, Чӑваш тӗррин кунӗнче, ҫуралнӑ пепкесене кӑна кунашкал парне панӑ.

 

Политика

Паян ЧР Элтеперӗ Патшалӑх Канашне янӑ ҫырупа паллаштарать. Вӑл Чӑваш патшалӑх филармонинче 12 сехетре пуҫланӗ. Кун пирки сайтра маларах пӗлтернӗччӗ.

Ӑна Чӑваш наци телевиденийӗпе, «Россия 24» каналпа, «Контактри «Олег Николаев» ушкӑнра курма пулать. Эфир вӑхӑтӗнче ӑна онлайн-мелпе хаклама май пулӗ – телефон камерине экран ҫинчи куар-кода тӗллемелле ҫеҫ.

 

Политика
@shigashev архивӗнчи сӑнӳкерчӗк
@shigashev архивӗнчи сӑнӳкерчӗк

Ҫӗмӗрле администрацийӗн пуҫлӑхӗ Валерий Шигашев ЧР Элтеперӗ патне ыйтупа пынӑ. Вӑл хӑйне ӗҫрен кӑларма ыйтнӑ.

Шигашев ку шухӑш патне тахҫанах пынине пӗлтернӗ. Олег Алексеевич ӑна ӑнланнине, Ҫӗмӗрле хулине малашне те пулӑшассине каланӑ.

Шигашев ҫитес эрнере депутатсен пухӑвӗн ячӗпе заявлени ҫырассине пӗлтернӗ. Унӑн шухӑшӗпе, вӗсем те ӑна ӑнланӗҫ.

Хыпар ҫӑлкуҫӗ: https://pg21.ru/news/84523
 

Политика

ЧР Элтеперне Олег Николаева 6 ҫын пулӑшса пырӗ. Улттӑмӑшне ҫак кунсенче ҫирӗплетнӗ.

Унччен Элтеперӗн 5 пулӑшуҫӑ пулнӑ. Халь ку должноҫе тепӗр ҫынна, Наталья Камаевӑна, ҫирӗплетнӗ. Унччен ҫутҫанталӑк министрӗн пресс-секретарӗ пулнӑскер пӗлтӗр раштав уйӑхӗнче "PRОФИ" пиарщиксен конкурсӗнче "Ӗҫ тӑвакан влаҫ органӗсем" номинацире мала тухнӑ. Ҫапла халӗ Олег Николаевӑн 6 пулӑшуҫӑ: Иван Даренков, Наталья Камаева, Марина Кудрявцева, Николай Михопаров, Олег Моляков тата Иван Филиппов.

 

Политика

ЧР Пуҫлӑхӗ Олег Николаев Патшалӑх Канашне янӑ ҫырупа паллаштарасси пирки пӗлтернӗччӗ. Кун валли 1 миллион тенке яхӑн тӑкаклама палӑртнӑ.

Мероприяти йӗркелӳҫин визуаллӑ сценари, графика дизайнӗ хатӗрлемелле, автор видеоматериалӗсене туянмалла, проекторсемпе хӑна ҫурчӗн номерне тара илмелле, отчет материалне кӗртнӗ 200 открытка тумалла. Ҫавӑн пекех кофе-брейк йӗркелемелле, 25-30 минута тӑсӑлакан видеоматериал тумалла.

Ҫапла майпа Патшалӑх Канашне ҫырупа паллаштармалли мероприяти валли 938,8 пин тенкӗ тӑкаклӗҫ.

 

Политика

Паян ЧР цифра аталанӑвӗн министрне ҫирӗплетнӗ. Ку пукана ҫӗнӗ ҫын йышӑннӑ – Михаил Степанов. Хушӑва ЧР Элтеперӗ Олег Николаев паян алӑ пуснӑ. Унччен вӑл Цифра министерствин «Информаци технологийӗсен центрне» ертсе пынӑ. Унта 2021 ҫулхи ҫӗртме-юпа уйӑхӗсенче ӗҫленӗ.

Аса илтерер: унччен министр Кристина Майнина пулнӑ. Вӑл пирӗн пата Коми Республикинчен килнӗ. Вӑл кайнӑ хыҫҫӑн министр тивӗҫӗсене Екатерина Грабко пурнӑҫланӑ.

 

Страницӑсем: 1 ... 3, 4, 5, 6, 7, 8, 9, 10, 11, 12, [13], 14, 15, 16, 17, 18, 19, 20, 21, 22, 23, ... 168
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 21:00) уяр ҫанталӑк, атмосфера пусӑмӗ 752 - 754 мм, 1 - 3 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хӑнана ӑсатма никам та тухмасть
хуҫа тарҫи
пӗтӗм кил-йышпа тухаҫҫӗ
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
хуть те кам тухсан та
хуҫа хӑй
хуҫа арӑмӗ
ӑсатма тухни — ҫылӑх, юрамасть