Чӑваш Енри Патӑрьелте агротехнопарк тунӑ чухне хамӑр тӑрӑхра туса кӑларакан оборудованипе тата материалпа усӑ кураҫҫӗ.
Кун пирки республикӑн вице-премьерӗ — экономика аталанӑвӗн тата пурлӑх хутшӑнӑвӗсен министрӗ Дмитрий Краснов агротехнопарк строительстви епле пынипе паллашма кайнӑ хыҫҫӑн хӑйӗн Телеграм-каналӗнче пӗлтернӗ.
Дмитрий Краснов хыпарланӑ тӑрӑх, инженери инфраструктурине тунӑ чухне республикӑри предприятисен продукцийӗпе май килнӗ таран ытларах усӑ курма тӑрӑшаҫҫӗ. Подрядчикӗ — ПМК-8.
Кӑҫал 79 тонна мороженӑй экспорта кайнӑ. Ку, пӗлтӗрхи ҫак тапхӑрпа танлаштарсан, 3 процент нумайрах. Ҫапла пӗлтерет Россельхознадзорӑн Чӑваш Енри тата Чӗмпӗр облаҫӗнчи управленийӗ.
Пирӗн патра туса кӑларнӑ мороженӑй Монголие, Казахстана, Азербайджана, Кӑнтӑр Осетие кайнӑ. Палӑртса хӑвармалла: Чӑваш Енри мороженӑя ытти ҫӗршыва 2022 ҫултанпа ӑсатаҫҫӗ. Ҫӳлерех асӑннӑ ҫӗршывсемӗр пуҫне ӑна Абхазие, Таджикистана, Узбекистана илсе кайнӑ.
Чӑваш Енри пилӗк компанин ют ҫӗршывсенчи байерсемпе тӗл пулас шанӑҫ пур. Сӑмах Китайри тата Таиландрисем пирки пырать. Вӗсемпе пирӗн патри компанисем Питӗр хулинче авӑн уйӑхӗн 25-27-мӗшӗсенче иртекен пӗтӗм тӗнчери туяну секцийӗнче калаҫса татӑлас шанчӑк пур-мӗн.
«Чӑваш Еншӗн Китай — суту-илӳ енӗпе стратегилле партнер», — пӗлтернӗ республикӑн вице-премьерӗ Дмитрий Краснов. Пирӗн республикӑри предприятисем хӑйсен таварне экспорта янинчен 8,5 процентне Китая ӑсатаҫҫӗ. Укҫа ҫине куҫарсан та Китайпа чи пысӑк сумма пухӑнать-мӗн.
Китайри тата Таиландри байерсемпе тӗл пулас ӗмӗтлисен заявкисене авӑн уйӑхӗн 9-мӗшӗччен йышӑнаҫҫӗ. Чӑваш Енри бизнес-делегацине ҫула тухнине Чӑваш Енӗн экспорта пулӑшакан центрӗ саплаштарӗ.
Чӑваш Енре Ҫемье усламӗн центрӗ уҫӑлӗ. Ӑна тӑвассишӗн республикӑн Суту-илӳпе промышленность палати яваплӑ пулӗ. Ӗҫе 2024-2026 ҫулсенче те пурнӑҫламалла.
Ҫакӑн пирки республика Элтеперӗ Олег Николаев Суту-илӳпе промышленность палатин президенчӗпе Игорь Кустаринпа тӗл пулсан сӳтсе явнӑ.
Республика ертӳҫи каланӑ тӑрӑх, усламҫӑсен шучӗ пирӗн патӑмӑрта ҫулсерен ӳссе пырать. Вӑл шухӑшланӑ тӑрӑх, ҫакӑ патшалӑх пулӑшнипе самай ҫыхӑннӑ. Асӑннӑ сферӑра тӑрӑшакансен йышӗ те нумайланать-мӗн.
Игорь Кустарин пӗлтернӗ тӑрӑх, Ҫемье усламӗн центрне йӗркеленипе пӗрлех палатӑн пайташӗсене республикӑри районсемпе хуласенче ӗҫлеттерсе ярасшӑн. Унсӑр пуҫне бухгалтер тата кадр учёчӗ енӗпе ҫӗнӗ пулӑшу кӳме пуҫлӗҫ.
Шупашкарта вырнаҫнӑ «Машзавод» индустри паркӗ уйрӑм ҫыннӑн шутланать иккен. Кун пирки республикӑн экономика министрӗ Дмитрий Краснов «Контактра» халӑх тетелӗнчи хӑйӗн страницинче пӗлтернӗ.
Машзавод машиностроени тата металлообработка енӗпе специализациленет.
Инвестици виҫи — 628 миллион тенкӗ. Ҫав суммӑран ҫур миллиарда яхӑн тенки —федераци укҫа-тенки.
Индустри паркӗнче хальлӗхе 12 резидент ӗҫлет.
Чӑваш Енри фермерсем чӑваш рунисемлӗ пылак апат-ҫимӗҫ туа кӑларма тытӑннӑ. Ҫак енӗпе вӗсем Шупашкарӑмӑр 555 ҫул тултарнӑ тӗле тимлеме тытӑннӑ.
Чӑваш Енри кондитер компанийӗ хӑйӗн продукцине рунӑсемпе, хамӑр тӑрӑхри паллӑ вырӑнсемпе, хӗвел тӗсӗпе капӑрлатма тытӑннӑ. Вӑл пастилапа снексене Чӑваш Ен элемӗпе хитрелетет.
Тепӗр производитель вара Нарспипе Сетнерлӗ темиҫе тӗрлӗ чӑваш пылӗ тата хӗрлӗхен чейӗ хатӗрлеме тытӑннӑ.
Китайра «TCL» брендпа туса кӑларакан телевизосем Раҫҫей рынокӗнчен ҫухалма пултарӗҫ. Санкцисенчен хӑраса Китай «Квант» и STI Group.Раҫҫейрк контрактпа ӗҫлекен производительсене компонентсемпе тивӗҫтерсе тӑма пӑрахӗ.
«TCL» телевизорсен производствине тата унччен парса тӑма пӑрахнӑ «Xiaomi» брендӑн комплектующийӗсене Казахстанра туса кӑларма тытӑнма пултарӗҫ. Анчах логистикӑна пула тавар хакӗ 10-20 процент ӳсме пултарать.
Раҫҫейри заводсен «TCL» телевизорсен компоненчӗсем чӳк уйӑхӗччен ҫитмелле-мӗн, хӑш-пӗр компани производствӑна чарса лартма шухӑшлать. Апла пулсан асӑннӑ тавар дефицитланса кайма пултарӗ.
Чӑваш Енре кимӗ туса кӑларма тытӑнасшӑн. Кун пек йышӑнӑва республика Правительствин нумаях пулмасть иртнӗ ларӑвӗнче сӳтсе явнӑ. Шупашкар муниципаллӑ округӗнчи Шӑмӑршӑ ялӗнче ҫӗнӗ производство комплексӗ уҫасшӑн.
Асӑннӑ комплекса туса лартма ял хуҫалӑх тӗллевӗллӗ ҫӗре производство объекчӗ валли куҫарнӑ. Кун пирки Чӑваш Енӗн Экономика аталанӑвӗн министерствин пресс-службинче пӗлтернӗ.
Министр тивӗҫне пурнӑҫлакан Дмитрий Бельцов пӗлтернӗ тӑрӑх, Шӑмӑршӑра ҫӑмӑл моторлӑ кимӗсем тата ҫӑмӑл прицепсем туса кӑларма пуҫлӗҫ. Унсӑр пуҫне унта ҫӗвӗ цехӗ уҫӗҫ, прицепсем валли тентсем ҫӗлеме тытӑнӗҫ.
Проекта 150 миллион тенке яхӑн хывӗҫ. Производствӑна 2027 ҫулхи кӗркунне тӗлне хута ярасшӑн. Унта 200-е яхӑн ҫын валли ӗҫ вырӑнӗ тупӗ.
Чӑваш Енри вӑр-вар ҫынсем глэмпинг текен хӑна ҫурчӗсем тума пуҫланӑ. Вӗсене хӑпартма патшалӑх укҫа уйӑрса пулӑшать те строительство ӗҫӗ епле пынипе паллашма иртнӗ эрнере республикӑн экономика министрӗ Дмитрий Краснов объектсене ҫитсе курнӑ.
Красноармейски тӑрӑхӗнчи «Хӑна ҫурчӗ» кану базинче 22 ҫурт пулӗ. Сӑнӳкерчӗк тӑрӑх хакласан, вӑл база илемлӗ вырӑнта, пӗве хӗрринче, вырнаҫнӑ. Министр пӗлтернӗ тӑрӑх, строительство графикпа килӗшӳллӗн пулса пырать.
Инвесторпа министр калаҫса татӑлнӑ тӑрӑх, кану базинче пӗр-пӗр пулӑмпа ҫхӑнтарнӑ туризма та йӗркелеме пулать. Сӑмахран, пулӑҫсен фестивальне ирттерме. Кану бази ҫулталӑкӗпех ӗҫлӗ.
Шупашкар районӗнчи «Волга» (чӑв. Атӑл) санаторире вара глэмпинг тума пуҫламан та. Инвестор хӑйӗн ҫине илнӗ яваплӑха пурнӑҫламанран ӑна патшалӑх пулӑшӑвне илекенсен списокӗнчен кӑларӗҫ.
Чӑваш Енӗн промышленноҫӗнчи ертсе пыракан предприятийӗсенчен пӗри — Етӗрнери аш-какай комбиначӗ 30 ҫулхине уявланӑ.
Коллектива республикӑн Патшалӑх Канашӗн Председателӗн ҫумӗ Ольга Петрова (сӑнӳкерчӗкре) саламланӑ. Вӑл Леонид Черкесов спикерӑн саламне ҫитернӗ.
«Кашни ӗҫченӗн, рабочирен пуҫласа ертӳҫӗ таран, профессионализмӗ ӑнӑҫу тума май парать», — палӑртса хӑварнӑ саламра.
Коллектива ытти шайри тӳре-шара та саламланӑ.
+0.3 °C