cheb-centr.soc.cap.ru сӑнӳкерчӗкӗ

Шупашкар хулинче пӗр-пӗрне ӑнланман ҫемьесем хулари халӑхӑн социаллӑ ыйтӑвӗсене тивӗҫтерекен комплекслӑ центра пырса мирлешме пултараҫҫӗ.

Асӑннӑ учрежденире йывӑр лару-тӑрури хӗрарӑмсене пулӑшакан уйрӑм пур. Кашӑк-тирӗк шӑкӑртатасси тӗрлӗ сӑлтавпа сиксе тухать. Кун пек чухне ҫемьесемпе центрӑн специалисчӗсем калаҫаҫҫӗ, пӗрне-пӗри ӑнланма вӗрентеҫҫӗ.

«Специалистсем лару-тӑрӑва тӗрлӗ енчен пӑхма вӗрентеҫҫӗ», — каласа кӑтартать центр специалисчӗ Александра Макарова.