Ӗнер, авӑн уйӑхӗн 10-мӗшӗнче, Чӑваш Енри прокурорӑн ҫумӗсенчен пӗри пулма Ростов тӑрӑхӗнчи ҫынна ҫирӗплетнӗ. Вӑл – Виталий Семенченко.

Виталий Викторович 1977 ҫулта Ростов облаҫӗнчи Таганрог хулинче ҫуралнӑ. Вӑл Шалти ӗҫсен министерствин Ростоври юридици институтӗнче вӗреннӗ.

Професси карьерине 1998 ҫулта Ростов облаҫӗнчи шалти ӗҫсен органӗнче пуҫланӑ. 2000 ҫулта прокуратура тытӑмӗнче ӗҫлеме тытӑннӑ. Аслӑ тӗпчевҫӗрен прокурора ҫитнӗ вӑл. 2010-2018 ҫулсенче Ростоври районсем хушшинчи ҫутҫанталӑка сыхлас енӗпе прокурор пулса тӑрӑшнӑ. Кайран ӑна Дон ҫинчи Ростоври Ворошилов районӗнчи прокурор пулма шаннӑ.