Вӑрнар муниципаллӑ округӗнчи Малтикас ялӗнче пурӑнакансем айккинчен пулӑшу кӗтсе ларман. Тытнӑ та хӑйсемех кӗпер туса лартнӑ.
Паллах, ӑна укҫасӑр тӑваймастӑн. Ял ҫыннисем укҫа пухса стройматериалсем илнӗ. Унтан арҫынсем кӗпере туса лартнӑ. Кӗпере тума 40 пин тенкӗ тухса кайнӑ.
Шупашкар муниципаллӑ округӗнче 31 ҫулти арсынна шыраҫҫӗ. Алексей Владимирович Викторов - Малтикас ялӗнчен.
Вӑл килтен нарӑс уйӑхӗн 7-мӗшӗнче тухса кайнӑ. Ӑҫталла кайни паллӑ мар. Ҫав кун тӗттӗм хура тӗслӗ куртка, хура шӑлавар, шурӑ-хӗрлӗ кроссовка, сӑрӑ тӗслӗ калпак тӑхӑннӑ. Хӑй 177 сантиметр ҫӳллӗш, туллирех кӗлеткеллӗ, ҫӳҫӗ ҫырӑ тӗслӗ, куҫӗ кӑвак. «Лиза Алерт» шыравпа ҫӑлав нимеҫисем
Алексея куракансене ҫак номерсемпе шӑнкӑравлама ыйтаҫҫӗ: 8-800-700-54-52 е 112.
Вӑрнар районӗнчи Малтикас ялӗнче 23 ҫулти каччӑ хӑйӗн килӗнче ют ҫӗршыв ҫыннисене пропискӑна тӑратнӑ. Хӑй вӑл Шупашкарта пурӑнать.
Ҫурчӗ 16 тӑваткал метр кӑна. Ҫитменнине, пурӑнма та юрӑхлӑ мар. Каччӑ вара унта ют ҫӗршыв ҫыннисене пропискӑна тӑратма пултарнӑ. Ҫапла вӑл тӑватӑ ҫын валли документ туса панӑ вӑл.
Каччӑ тӗлӗшпе пуҫиле ӗҫ пуҫарнӑ.
Вӑрнар районӗнчи Малтикас ялӗнче ӗне ферми уҫӑлнӑ. Унта 440 пуҫ вырнаҫмалӑх ферма хута янӑ.
Вӑрнарти аш-какай комбиначӗ комплекса пӗлтӗр ака уйӑхӗнче тума тытӑннӑ. Ӑна хута яма 105 миллион тенкӗ кирлӗ пулнӑ. Фермӑра ӗне сумалли ятарлӑ зал та пур.
Комбинат ҫитес ҫулта шултра мӑйракаллӑ выльӑх шутне 5 пине ҫитересшӗн, унта 14 тонна сӗт суса илмешкӗн палӑртнӑ.
Фермӑпа ЧР Элтеперӗ Олег Николаев паллашнӑ. Вӑл паха сӗт туса илсен конкурентсем те пулмассине палӑртнӑ.
Шупашкар районӗнчи Малтикасра ҫу уйӑхӗн 19-мӗшӗнче, паян, 11 сехетре икӗ ҫурт ҫунса кайнӑ. Икӗ ҫемье кил-ҫуртсӑр тӑрса юлнӑ. Кун пирки «Про Город» хаҫата халӑх корреспонденчӗ пӗлтернӗ.
Ҫулӑм малтан пӗр пӳрте ярса илнӗ, унтан теприн ҫине куҫнӑ. Пӗрремӗшӗнче ачаллӑ ҫемье пурӑннӑ, иккӗмӗшӗнче – аслӑ ӳсӗмри икӗ ҫын.
«Ҫунса кайнӑ ҫуртсенчен пӗринче пурӑннӑ ҫемьери ача чӗртсе янӑ теҫҫӗ. Пушарта ҫунса вилекенсем пулман пулмалла», - тенӗ халӑх корресподенчӗ.
Пушарнӑйсем ҫулӑма сӳнтернӗ. 15 сехет ҫурӑра вӗсем унтах пулнӑ-ха.
Вӑрнар районӗнчи аш-какай комбиначӗ тислӗке уя тухса тӑкать, вӑл вара кайран юханшыва лекет. Малтикас ялӗ ҫывӑхӗнчи пӗвесем, юханшыв питӗ вараланнӑ. Ҫуркунне унта пулӑсем те вилнӗ.
Халӑх фрончӗн хастарӗсем уйра мӑйракаллӑ шултра выльӑх тислӗкӗ тухса тӑкнӑ темиҫе вырӑн тупнӑ. Ҫынсем каланӑ тӑрӑх, ку пӗр ҫул кӑна пымасть, тислӗке тахҫанах тухса тӑкаҫҫӗ-мӗн. Ҫавна май таврара та шӑршӑ тӑрать.
Тислӗк ҫӗр айӗнчи шыва та лекет. Ӑна вара ҫынсем ӗҫеҫҫӗ. Халӑх фрончӗн хастарӗсем Ҫутҫанталӑк министерствине, йӗрке хуралне, ҫутҫанталӑк тата район прокуратурине, ытти ведомствӑна кун пирки пӗлтернӗ.
Шупашкарти коопераци институчӗн ректорне Валерий Андреева «Чӑваш Республики умӗнчи тава тивӗҫлӗ ӗҫсемшӗн» орденпа наградӑланӑ. Ҫакӑн пек документа республика Элтеперӗ Михаил Игнатьев паян алӑ пуснӑ, ӗҫлӗ хута Чӑваш Енӗн влаҫ органӗсен официаллӑ порталне вырнаҫтарнӑ.
Валерий Андреев ордена «ӑслӑлӑхпа педагогика ӗҫ-хӗлӗнчи хастра ӗҫшӗн тата квалификациллӗ специалистсене хатӗрленӗшӗн» тивӗҫнӗ.
Валерий Андреев 1958 ҫулхи авӑн уйӑхӗн 30-мӗшӗнче Ҫӗрпӳ районӗнчи Малтикас ялӗнче ҫуралнӑ. 1982 ҫулта Чӑваш патшалӑх университечӗн историпе филологи, 1994 ҫулта юридици факультечӗсенчен, 1999 ҫулта РФ Президенчӗ ҫумӗнчи патшалӑх службин академийӗнчи аспирантурӑран вӗренсе тухнӑ. Истори ӑслӑлӑхӗсен докторӗ, профессор. 165 ытла ӑслӑлӑх ӗҫӗн, ҫав шутра 8 монографипе вӗренӳ пособийӗн, авторӗ. Тӗрлӗ ҫулта вӑл пичет тата информаци политикин, ҫавӑн пекех ӗҫ, социаллӑ тата демографи политикин министрӗ пулнӑ. 2006 ҫулхи ҫу уйӑхӗнченпе аслӑ шкул ректорӗнче тӑрӑшать.
+0.3 °C