Олимп резервӗсен Ҫӗнӗ Шупашкарти училищин студентки Анастасия Тарасова сумо енӗпе Европа чемпионӗн ятне тивӗҫнӗ.
Ӑмӑрту ака уйӑхӗн 25–27-мӗшӗсенче Варшавӑра иртнӗ. Унта Европӑри 15 ҫӗршыв спортсменӗсем хутшӑннӑ. ЧР тава тивӗҫлӗ тренерӗ Николай Петров патӗнче ӑсталӑхне туптаканскер 95 килограмм тайман виҫе категорийӗнче пурне те ҫӗнтернӗ, пьедесталӑн чи ҫӳллӗ картлашки ҫине хӑпарнӑ.
Николай Петров тренер каланӑ тӑрӑх, юлашки тупӑшура Анастасия Тарасова командӑри юлташне, Раҫҫейӗн чемпионкине Елена Шитиковӑна парӑнтарнӑ, ҫапла майпа вӑл мала тухнӑ.
Чӑваш Ен спортсменки тепӗр медаль те ҫӗнсе илнӗ. Настя команда ӑмӑртӑвӗнче (унта кашни ҫӗршывран чи лайӑх виҫӗ сумоистка тупӑшнӑ) кӗмӗл медале тивӗҫнӗ.
Шупашкарта ҫывӑх вӑхӑтра (24.06.2025 03:00) уяр ҫанталӑк, атмосфера пусӑмӗ 749 - 751 мм, 9 - 11 градус ӑшӑ пулӗ, ҫил 0-2 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.
| Ырсем Ольга Ивановна, чӑваш халӑх артисчӗ ҫуралнӑ. | ||
| Чӑваш автономи облаҫне (ЧАО) туса хунӑ. | ||
| Светлана Асамат, чӑваш сӑвӑҫи, кӗвӗ хывакан ҫуралнӑ. | ||
| Ҫак кун Республика кунне уявлама йышӑннӑ. | ||
![]() | Пулӑм хуш... |