Саккунпа килӗшӳллӗн, общество вырӑнӗнче пирус туртма юрамасть. Анчах ҫакна йышӑнсан та чарӑнура, урамра е ытти ҫӗрте чӗлӗм мӑкӑрлантаракансем пур-ха. Вӗсемшӗн саккун ним вырӑнӗнче те мар тейӗн. Анчах кунашкаллисен йӗркене пӑхӑнманшӑн штраф тӳлеме тивӗ.
Кӑҫал республикӑра 620 ҫынна юраман ҫӗрте пирус туртнӑшӑн штрафланӑ. Вӗсенчен 607-шӗ общество вырӑнӗнчен чӗлӗм мӑкӑрлантарнӑ. Тепӗр 8-шӗ вара ача-пӑча вылякан лапамра та пирус туртма вӑтанман.
Пӗтӗмпе 620 ҫынна ҫырса панӑ штраф 318 пин тенкӗпе танлашнӑ. Аса илтерер: кӑҫалхи ҫу уйӑхӗн 1-мӗшӗнче ЧР Министрсен Кабинечӗ йышӑну тунӑ. Унпа килӗшӳллӗн, чарӑнура, унран 15 метр ҫывӑхра, подъезд ҫывӑхӗнче, массӑллӑ мероприятисем иртнӗ вырӑнта, ҫӗр айӗн е ҫийӗн каҫмалли ҫӗрте, скверсемпе парксенче пирус туртма юрамасть.
Чӑваш Енре чӗлӗм туртакансем сахалланнӑ. Ҫакна халӑхра ыйтӑм ирттерсе палӑртнӑ иккен. Унта 15 ҫултан иртнӗ арҫынсемпе хӗрарӑмсене хутшӑнтарнӑ. Пӗтӗмпе 1,5 пин ыйтӑм ирттернӗ май ҫынсене чӗлӗм туртассипе ҫыхӑннӑ ыйтусене хуравлама ыйтнӑ.
Ыйтӑма хутшӑннисенчен 22,1 проценчӗ пирус мӑкӑрлантарнине йышӑннӑ. Ку вӑл 2011 ҫулта ҫапла тесе хуравланинчен 5,2 процент сахалтарах. Ыйтӑма хутшӑннисенчен туртатӑп тесе хуравланисенчен 40,9 проценчӗ арҫынсем иккен, 7,1 проценчӗ — хӗрарӑмсем. 2011 ҫулта ирттернӗ ыйтӑма хутшӑннисенчен ҫак кӑтартусем 5,7 тата 2,1 процент сахалтарах-мӗн. Ӗҫре туртакансем пуррипе асапланакансен йышӗ те сахалланнӑ пулать.
Чӗлӗм мӑкӑрлантаракансем 25 ҫултан пуҫласа 44 ҫула ҫитичченхисем хушшинче нумайрах. Туртакансене илсен, ҫав ҫултисем хушшинче вӗсен тӳпи — 26,6 процент. Ҫынсем вӑтамран 16,5 ҫулта чухне пуҫласа туртса пӑхаҫҫӗ. Арҫынсем хӗрарӑмсенчен иртерех туртма пуҫлаҫҫӗ иккен. Этемлӗхӗн черчен ҫуррийӗ 18 ҫула ҫитсен пирус енне туртӑнать, каччӑсем 16-рах ҫав «ҫимӗҫе астивеҫҫӗ» иккен.
Шупашкарта ҫывӑх вӑхӑтра (15.12.2019 03:00) пӗлӗтлӗ ҫанталӑк, атмосфера пусӑмӗ 759 - 761 мм, -6 - -8 градус сивӗ пулӗ, ҫил 3-5 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.
| Айзман Николай Спиридонович, чӑваш драматургӗ ҫуралнӑ. | ||
| Салампек Иван Яковлевич, чӑваш ҫыравҫи вилнӗ. | ||
![]() | Пулӑм хуш... |
Сайт пирки | Пулӑшу | Статистика
(c) 2005-2018 Chuvash.Org Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org ![]() |