max.ru/pcheb_21 каналтан илнӗ сӑнӳкерчӗк

Чӑваш Енре пулла кайсан аптӑраса ӳкнӗ арҫын пурнӑҫне ҫӑлса хӑварнӑ. Тӗрӗссипе каласан, пӑтӑрмах пулӑпа пачах та ҫыхӑнман. Арҫын панулми ҫинӗ. Ҫавӑн хыҫҫӑн вӑл аптӑраса ӳкнӗ.

Улатӑрта пурӑнакан 47 ҫулти арҫын шӑши сивчирне ҫаклатнӑ. Тухтӑрсем шухӑшланӑ тӑрӑх, хантавируса арҫын пулӑра ҫаклатма пултарнӑ. Пулӑ тытса ларнӑ чухне вӑл ҫуман панулми ҫинӗ. Ҫак ҫимӗҫе кӑшлакан чӗрчунсем чир лектерсе хӑварама пултарнӑ.

Арҫынна больницӑна илсе пынӑ чухне вӑл хӑйне питех те япӑх туйнӑ. Ҫав вӑхӑтра унӑн пӳри ӗҫлеме пӑрахнӑпа пӗрех пулнӑ.

Шӑши сивчирӗ малтанласа урӑх чир евӗр палӑрма пултарать иккен. Ҫын хӑйне шӑнса пӑсӑлнӑ чухнехи евӗр туять, кайран унӑн юн тымарӗсем тата шалти органӗсем сиенленеҫҫӗ. Шӑпах ҫавӑн пек пулса тухнӑ та Улатӑрти вӑйпиттин.

#пӑтӑрмахсем, #Улатӑр, #сывлӑх, #пулӑҫсем, #тухтӑрсем