rg.ru сайтри сӑн

Шупашкарта пурӑнакан 41 ҫулти хӗрарӑм инвестицисемпе ӗҫлесе илес тесе ултавҫӑсене 2,5 миллион тенкӗ куҫарса панӑ. Укҫи хӑйӗн те пулман, кредит илнӗскер.

Вӑл пӗлтерӗвӗ халӑх тетелӗнче курнӑ та «аналитик» патне ҫырса янӑ. Лешӗ тупӑш тума май пурри пирки нумай ӑнлантарнӑ, телефон ҫине сарӑм лартма, экран демонстрацине ҫутма ӳкӗте кӗртнӗ.

Хӗрарӑм вӑл кӑтартнипе тӗрлӗ счет ҫине укҫа куҫарнӑ та куҫарнӑ. Сарӑмра инвестици счечӗ ҫинчи тупӑш ӳснӗ пек курӑннӑ. Ҫакна кура хӗрарӑм чӑннипех те ӗненнӗ. Тата ытларах ӗҫлесе илес тесе темиҫе кредит илнӗ, пӗтӗм укҫана куҫарнӑ. Ҫапла 2,5 миллион тенкӗсӗр тӑрса юлнӑ вӑл.

Кун пирки ӑнсӑртран аппӑшӗ пӗлнӗ. Вӑл тӳрех полицие пӗлтернӗ.

#Шупашкар, #полици, #укҫа-тенкӗ, #ултавҫӑсем