Чӑваш Енре пурӑнакан пӗр арҫынна тӗкле тура тапӑннӑ. Пӑтӑрмах Красноармейски районӗнче пулса иртнӗ. Арҫын халӗ больницӑра, реанимаци уйрӑмӗнче, выртать.

Инкек Красноармейски районӗнчи Йӗпрем ялӗнче утӑ уйӑхӗн 6-мӗшӗнче ирхине пулса иртнӗ. «Газпром газораспределени Шупашкар» акционер обществин Ҫӗрпӳри филиалӗнче электрогазосварщик-врезчик пулса ӗҫлекен Йӗпрем ялӗнчи пер кил хуҫи патне ӗҫпе кайсан ӑна тӗклӗ тура тапӑннӑ. Ӑна аллинчен тата мӑйӗнчен сӑхса пӗтернӗ.

Арҫын тӑн ҫухатнӑ, анафилактика шокӗ пулнӑскере тухтӑрсем васкавлӑн реанимаци уйрӑмне илсе кайнӑ.

Халӗ ку пӑтӑрмах тӗлӗшпе республикӑн Ӗҫ сыхлавӗн инспекцийӗ тӗрӗслев пуҫарнӑ.

#сывлӑх, #инкексем, #Йӗпрем, #Красноармейски районӗ