Римма Прокопьевӑн ҫӗнӗ кӗнеки кун ҫути курнӑ, вӑл «Пӗчӗкки» ятпа тухнӑ.

Ҫак кӗнекене кӗнӗ хайлав ал ҫырӑвӗ ачасемпе ҫамрӑксем валли чӑвашла ҫырнӑ произведенисен конкурсӗнче ҫӗнтернӗ.

Калу Сентти ятӗнчен пырать. 6-мӗш класра вӗренекен арҫын ача ашшӗ-амӑшӗпе, Телей ятлӑ пиччӗшӗпе тата аппӑшӗпе Салампипе хулара пурӑнать, тӑтӑшах яла килсе ҫӳрет. Туслӑ ҫемьене кӗтмен ҫӗртен кушак иленет. Ӑна вӗсем Пӗчӗкки тесе ят параҫҫӗ.

Вулакан хайлавпа паллашнӑ май тӗп сӑнарпа пӗрле пӑшӑрханать. Чи пӗлтерӗшли – ырра шанмалла, ытлашшипех кулянмалла мар. Сенттин амӑшӗ шӑпах ҫакна вӗрентет.

#культура, #ҫыравҫӑсем, #кӗнекесем