Тӑвай округӗнчи Сӑхӑтпуҫ ялӗнче пурӑнакан Анна Наумова 100 ҫулхи юбилейне паллӑ тунӑ.
Анна Алексеевна Вӑрмар районӗнчи Кӗтеснер ялӗнче ҫуралнӑ. Тӑван ҫӗршывӑн Аслӑ вӑрҫи вӑхӑтӗнче торф предприятийӗнче ӗҫленӗ, унтан – колхозра. Ӗҫре хастар пулнӑшӑн ӑна Тӑвай районӗн «Хисеп кӗнекине» кӗртнӗ, Хӗрлӗ Ӗҫ Ялавӑн орденӗпе чысланӑ.
Анна Алексеевна 7 ача ҫуратнӑ. Халӗ унӑн 18 мӑнук, 24 кӗҫӗн мӑнук тата кӗҫӗн мӑнукӗн 1 ачи.