Ҫу уйӑхӗн 31-мӗшӗнче Вӑрнара Раҫҫей халӑх артисчӗ, эстрада юрӑҫи Дмитрий Маликов килӗ. Ҫав кун поселокра Химик кунӗ иртӗ.

Уяв «Август» паркра 11 сехетре пуҫланӗ. Малтан «Парящее сердце» скульптурӑна уҫӗҫ. Пултарулӑх ушкӑнӗсем савӑнтарӗҫ, ӗҫре ҫитӗнӳсем тунисене чыслӗҫ. Кунӗпех ӑсталӑх класӗсем, квестсем, кӑпӑклӑ ташӑ каҫӗсем, спорт ӑмӑртӑвӗсем пулӗҫ.

19-23 сехетсенче сцена ҫине «Кристалл» шоу-балет, «Дорогуго» кавер-ушкӑн тата Дмитрий Маликов тухӗҫ. Концерта 6 ҫултан аслӑраххисем курма пултараҫҫӗ.

#афиша, #Вӑрнар, #концертсем, #уявсем, #юрӑҫсем