Ҫу уйӑхӗн 13-мӗшӗнче Сӗнтӗрвӑрринчи ҫыран хӗрринче «Чӑваш Ен тутисем» гастрономи фестивалӗ иртӗ. Унта 17 команда хутшӑнӗ.
Фестивальте тӗрлӗ апат-ҫимӗҫе тутанса пӑхма май пулӗ. Кунсӑр пуҫне шеф-поварсемпе кондитерсем ӑмӑртӗҫ. Вӗсем наци апат-ҫимӗҫне хатӗрлӗҫ. Ҫавӑн пекех хуран кукли пӗҫерес енӗпе ӑсталӑх класӗ пулӗ.
Тӗслӗхрен, Кироври поварсем икерчӗпе тӗлӗнтерӗҫ. Фестивале Шупашкарти тата Сӗнтӗрвӑрричнчи техникумсен командисем те хутшӑнӗҫ.
Мероприяти 15 сехетре пуҫланӗ.