21.мвд.рф сӑнӳкерчӗкӗ

Пӗлтӗрхи ҫулла Комсомольски тӑрӑхӗнче пурӑнакан пӗр хӗрарӑм мессенджерсенчен пӗринче хушма ӗҫ укҫи ӗҫлесе илме май пурри ҫинчен вуласа пӗлнӗ. Унта ҫырнине 40 ҫулти ял хӗрарӑмӗ ӗненнӗ.

Пӗлтерӳ панӑ ҫынпа ҫыру ҫӳретсе вӑл хӑйӗн банк карттин даннӑйӗсене пӗлтернӗ. Ултавҫӑсем хӗрарӑм ячӗпе темиҫе микрофинанс организацийӗнче 40 пин тенкӗ ытла укҫа илнӗ.

Хӗрарӑма Ростов облаҫӗнчи 19 ҫулти каччӑ улталанӑ иккен. Ӑна йӗрке хуралҫисем халӗ Шупашкара илсе килнӗ.

#пӑтӑрмахсем, #Шупашкар, #ҫамрӑксем, #укҫа-тенкӗ, #Комсомольски