Инкеклӗ лару-тӑру министерстви тунӑ сӑн

Кӗҫӗр Комсомольскинче Тӗп урамра ҫурт ҫуннӑ. Пушар 22 сехетре пуҫланнӑ.

Ҫулӑма сӳнтернӗ хыҫҫӑн пушарнӑйсем икӗ ҫын виллине тупнӑ. Вӗсем – амӑшӗпе ывӑлӗ. Амӑшӗ 78 ҫулта пулнӑ, ывӑлӗ – 54 ҫулта.

Пушар 72 тӑваткал метр лаптӑк ҫинче алхаснӑ. Халӗ ҫулӑм мӗнрен тухнине тӗпчеҫҫӗ.

Аса илтерер: кӑрлачӑн 1-мӗшӗнче Вӑрнар поселокӗнче полици ӗҫченӗсем ҫуртра пушар тухнине асӑрхаса 5 ҫынна урама илсе тухнӑ.

#пӑтӑрмахсем, #пушарсем, #полици, #Комсомольски