Синоптиксем пӗлтернӗ тӑрӑх, ыран, шӑматкун, республикӑра 8-13 градус сивӗ пулӗ. Ҫӗрле тата сивӗтӗ: Шупашкарта 17 градус пулӗ.

Паян ҫил-тӑман ҫӗрлесӗр те чарӑнмӗ. Ыран уяртӗ-ха, анчах ҫил лӑпланмӗ. Ҫавна май тата сивӗрех пек туйӑнӗ.

Вырсарникун юр ҫӑвӗ, ӑшӑ сывлӑш килме тытӑнӗ. Тунтикун вырӑнӑн-вырӑнӑн тӗтре карса илӗ. Кӑнтӑр округсенче ӑшӑтма пултарӗ. Юр кӗҫнерникунччен ҫукалӗ. Пӗр эрнере юр хулӑнӑшӗ 10-15 сантиметр таран ӳсӗ.

#ҫутҫанталӑк, #синоптиксем, #ҫанталӑк