Кандинский нейросеть сӑнӳкерчӗкӗ

Чӑваш Ен Элтеперӗ Олег Николаев Телегрампи хӑйӗн каналӗнче Ашшӗн кунӗпе саламлакан пост вырнаҫтарнӑ.

«Атте тени вӑл сӑмах анчах мар, вӑл хӑйне уйрӑм яваплӑха, вышкайсӑр пысӑк ӗҫе тата юратӑва палӑртать. Ашшӗ – ҫемье пуҫӗ, ывӑлӗшӗн – ҫирӗплӗх, вӑй тата чыслӑх тӗслӗхӗ, хӗрӗшӗн – наставник тата хӳтӗлевҫӗ.

Хисеплӗ арҫынсем, хаклӑ ашшӗсем, хӑвӑрӑн ҫывӑх ҫыннӑрсемшӗн, тӑванӑрсемшӗн – яланах ҫирӗп тӗрев, ачӑрсемшӗн шанчӑклӑ ҫул кӑтартуҫӑ пулӑр. Кашни кун савӑнӑҫпа, телейпе тултӑр, килӗрте яланах ӑшӑлӑхпа хӑтлӑх хуҫаланччӑр», — тесе саламланӑ республика ертӳҫи.

#саламсем, #уявсем, #Элтепер