ягодныйфестиваль.рф сӑнӳкерчӗкӗ

Чӑваш Енре ирттерекен ҫырла фестивалӗ кӑҫал та кӑсӑклӑ пулмалла. Унта тӗрлӗ ӑсталӑх класӗ иртӗ, аниматорсем ӗҫлӗҫ, концерт пулӗ, ҫырла тата тӗрлӗ калча сутӗҫ. Аса илтерер: ҫырла фестивалӗ пӗлтӗрхи пек Шупашкар тӑрӑхӗнчи Хыркассинче ҫеҫ мар, Шупашкарта та (Машиностроительсен проезчӗ, 1-мӗш ҫурт, 6-мӗш корпус, Сад центрӗ умӗ) иртӗ.

Утӑ уйӑхӗн 20-мӗшӗнчи программа ҫапларах.

Ирхи 10 сехетре Велком-зонӑра аниматорсем хӑнасене кӗтсе илӗҫ. Кашни сехетре пӗрре спонсорсен парнисене выляттарӗҫ.

10 сехетре фествиале савӑнӑҫлӑ лару-тӑрура уҫӗҫ. 10 сехетрен пуҫласа 12 сехетчен ачасен коллективӗсем хӑйсен пултарулӑхпе паллаштарӗҫ.

12 сехетре сцена ҫине тӳре-шара тухӗ.

13 сехетрен пуҫласа 13 сехет те 30 минутчен чечек шоуне чӗнеҫҫӗ. Ӑна профессионал флористика енӗпе Раҫҫей чемпионӗ Роман Штенгауэр ирттерӗ. Руна евӗр арт-объекта кӑтартӗҫ.

12 сехетрен пуҫласа 14 сехетчен тӗрлӗ ӑсталӑх класӗ ӗҫлӗ. Контейнерсенче чечек ӳстреме вӗрентнинчен пуҫласа ҫырларан десерт хатӗрлесси таранах вӗрентӗҫ.

15 сехетрен пуҫласа 15 сехет те 30 минутчен чӑваш эстрада артисчӗсем Андрей Думилин, Алексей Шадриков, Алексей Московский юрлӗҫ. Унта сцена ҫинче пӗр сехет хушши вырӑс эстрада артисчӗсем: Максим Босх, Елена Искра, Ольга Пеганова — пулӗҫ. 16 сехет те 30 минутран пуҫласа 17 сехетчен Наталия Девятых ертсе пыракан «Прайм» мода театрӗ вырӑнти брендсен ҫипуҫӗпе паллаштарӗ.

17 сехет те 30 минутра фествиаль партнерӗсен тӗп парнине выляттарӗҫ. 17 сехет те 30 минутран пуҫласа 18 сехетчен Августа Уляндина юрлӗ.

#культура, #концертсем, #фестивальсем, #апат-ҫимӗҫ, #ял хуҫалӑхӗ, #Шупашкар